काठमाडौं उपत्यकामा २१६ सहित थप ६३४ जनामा कोरोना संक्रमण
काठमाडौं । नेपालमा पछिल्लो २४ घण्टामा थप ६३४ जनामा कोरोना संक्रमण पुष्टि भएको छ । स्वास्थ्य मन्त्रालयका अनुसार देशका विभिन्न प्रयोगशलामा गरिएको परीक्षणमा थप ६३४ जनामा संक्रमण पुष्टि भएको हो । काठमाडौंमा १६० जनामा, भक्तपुरमा ५० जनामा र ललितपुरमा ६ जनामा संक्रमण पुष्टि भएको छ ।
पछिल्लो २४ घण्टामा पीसीआर विधिबाट १२,५१९ जनाको नमुना परीक्षण गरिएको छ । क्वारेन्टाइनमा ११,६५८ जना रहेका छन् । आइसोलेसनमा १२,६२१ जना सक्रिय संक्रमित रहेका छन् । शनिबार थप १३६ जना डिस्चार्ज भएका छन् । योसँगै डिस्चार्ज हुनेको संख्या १८,३५० पुगेको मन्त्रालयले जनाएको छ । भेन्टिलेटरमा १२ जनाको र आइसियूमा १३५ जनाको उपचार भइरहेको छ ।
