भारतको सर्वोच्च अदालतको फैसलालाई चुनौति दिने ओलीको बोली
सुरेश आचार्य ।
प्रधानमन्त्री ओलीको अयोध्या नेपालको भएको र भगवान राम ठोरीमा जन्मेका थिए भन्ने भनाईबाट एक निसाना अनेक तीर हानेका छन् । सार्वभौम देशको प्रधानमंत्रीका हैसियतमा यस्तो कुरा हिजो प्रधानमन्त्रीले बोल्नु हुन्थ्यो कि हुदैन थियो भन्ने बारे बहस हुनसक्ला । भारतको आधिकारिक धारणा आएपछि परिस्थितिले कुन मोड लेला अनुमानकै गर्भमा छ ।
१) प्रधानमन्त्री ओलीले भनेअनुसार ‘भारतमा रहेको अयोध्या नक्कली हो’ भने भारतको सर्बोच्च न्यायालयद्वारा हालको अयोध्यास्थित बाबरी मस्जिद भएको स्थानमा राम मन्दिर बनाउने र बाबरी मस्जिदलाई त्यहाॅबाट अन्यत्र हटाउने निर्णयलाई ओलीद्वारा प्रश्न उठाइएको देखियो ।
२) ओलीको यो नयाॅ भनाईबाट भारतको सर्वोच्च न्यायालयको फैसलाबाट सुल्झेको राममन्दिर-बाबरीमस्जिद विवाद फेरि उल्झनमा परी नयाॅ चरणको साम्पद्रायिक दङ्गा भडकिने संभावना बढ्न सक्छ !
३) लिम्पियाधुरा र सुस्तामा भारतबाट जमिन फिर्ता हुने संभावना नरहेको निष्कर्श निकालेर ओलीले राम भगवानलाई जोडेर “ठोरी” मा राम जन्मेको नयाॅ तर्क उठाई ठोरीमा लिम्पियाधुरा र सुस्ताको सट्टामा “शोधभर्ना स्वरूप” जमिन भारतबाट लिनलाई नेपाली जनताको सम्मति र भारतलाई प्रस्ताव राखेको हो भन्ने मेरो बुझाई छ ।
४) तर प्रधानमन्त्रीको स्वास्थ्य अवस्थाकै बारे पनि गंभीर प्रश्न उठेर पदीय दायित्व बहन गर्न ओली अक्षम हुनु भएको निष्कर्श निकाल्न यसलाई लिएर संसदीय जाॅच गरिनुपर्ने माग पनि उठ्न सक्छ !
