प्रचण्डले भने -पार्टीभित्र कुनै समस्या छैन, एक दुई दिनभित्रै स्थायी कमिटी बैठक
काठमाडौं । नेपाल कम्युनिष्ट पार्टी(नेकपा)का अध्यक्ष पुष्पकमल दाहाल प्रचण्डले एक दुई दिनभित्रै पार्टीको स्थायी कमिटी बैठक बस्ने बताएका छन् । बिहीबार संघीय संसद भवन नयाँ बानेश्वरमा सञ्चारकर्मीसंग कुरा गर्दै प्रचण्डले पार्टीभित्र कुनै समस्या नरहेको भन्दै केही दिनभित्रै बैठक बस्ने बताएका हुन् ।
उनले आन्तरिक गृहकार्य नपुगेकाले बैठक स्थगीत गरिएको बताऐ । फरक प्रसंगमा प्रचण्डले संसद बैठकको तयारी पूर्ण रहेको आफुले पाएको बताए । प्रचण्डले बैठकका लागि सिट समेत मिलाइएको पाइएको जानकारी दिए । संसद भवन बानेश्वरमा उनले कोरोना परीक्षण पनि गराएका थिए भने संसद भवनको निरीक्षण पनि गरेका थिए ।
