चिनियाँ राष्ट्रपतिले प्रधानमन्त्री ओलीलाई पठाए स्वास्थ्य लाभको कामनासहितको सन्देश
काठमाडौं । मिर्गौला प्रत्यारोपण गरी अस्पतालमा रहेका प्रधानमन्त्री केपी शर्मा ओलीलाई चीनका राष्ट्रपति सी जिन्पिङले स्वास्थ्य लाभको कामना गरेक छन् ।
चीनका राष्ट्रपति सी जिन्पिङले एक सन्देश पठाउँदै प्रधानमन्त्री ओलीको शीघ्र स्वास्थ्य लाभको कामना गर्नुभएको प्रधानमन्त्रीका प्रेस सल्लाहकार सूर्य थापाले जानकारी दिएका छन् । प्रधानमन्त्रीको चार दिनअघि त्रिवि शिक्षण अस्पतालमा मिगौला प्रत्यारोपण गरिएको थियो । प्रधानमन्त्रीको स्वास्थ्यमा सुधार भइरहेको चिकित्सकले जनाएका छन् । उहाँलाई एकसातापछि अस्पतालबाट डिस्चार्ज गरिने बताइएको छ । प्रधानमन्त्रीलाई अहिले ठोस पदार्थ खान दिन थालिएको छ भने हिंडडुलसमेत गराउन थालिएको छ ।