कांग्रेस मुख्यालयमा नेविसंघको रिले अनसन सुरु
काठमाडौं । नेपाली कांग्रेसको मुख्यालयमा नेपाल विद्यार्थी संघको एउटा समूहले बुधबारदेखि रिले अनशन सुरु गरेको छ । ३२ वर्षे उमेरहदसहितका माग पूरा हुनुपर्ने अडानसहित नेविसंघको एउटा समूहले रिले अनशन सुरु गरेको हो ।
बुधबार पहिलो दिनको रिले अनशनमा ६ जना विद्यार्थीहरु बसेका छन् । निवर्तमान केन्द्रीय सदस्य रुपा पोख्रेलको नेतृत्वमा रिले अनशन सुरु भएको विद्यार्थी नेता मनिष सिम्खडाले जानकारी दिए ।
सानेपामा पद्मा भुसाल, मनिता सिटौला, बिन्दा बोगटी, रोस्मिता कार्की र रुपा पोख्रेलसहितलाई पूर्वमहामन्त्री कुन्दनराज काफ्लेले माला लागाइदिँदै रिले अनसन सुरुवातको घोषणा गरेका छन् । रिले अनशनमा बसेका विद्यार्थीहरुले पार्टीले आफूहरुका माग पूरा नगरेमा आमरण अनसन बस्ने चेतावनी दिएका छन् ।
