महरालाई तीन दिन थुनामा राख्न अदालतको अनुमति

काठमाडौं । संसद सचिवालयकी महिला कर्मचारीमाथि बलात्कारको प्रयास गरेको अभियोग लागेका निवर्तमान सभामुख कृष्णबहादुर महरालाई थप तीन दिन हिरासतमा राख्न अदालतले अनुमति दिएको छ ।

जिल्ला अदालत, काठमाडौंका न्यायाधीश दीपककुमार दाहालको इजलासले महराविरुद्ध अनुसन्धानका लागि तीन दिन म्याद दिएको हो ।

१९ असोजमा बालुवाटारस्थित सरकारी निवासबाटै पक्राउ परेका महराको अदालत बन्द भएकाले म्याद थप हुन सकेको थिएन ।