थप ७४३ जनामा कोरोना संक्रमण,९५२ जना संक्रमणमुक्त
काठमाडौं । नेपालमा थप ७४३ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार देशका विभिन्न प्रयोगशालामा गरिएको परीक्षणमा थप ७४३ जनामा संक्रमण पुष्टि भएको हो । योसँगै नेपालमा कोरोना संक्रमितको संख्या २ लाख ५५ हजार ९७९ पुगेको छ ।
त्यसैगरी पछिल्लो २४ घण्टामा थप ९५२ जना संक्रमणमुक्त भएका छन् । योसँगै नेपालमा कोरोना संक्रमणमुक्त हुनेको संख्या २ लाख ४६ हजार ६ सय ६१ पुगेको मन्त्रालयले जनाएको छ । त्यस्तै कोरोना संक्रमणबाट पछिल्लो २४ घण्टामा थप ५ जनाको मृत्यु भएको छ । योसँगै कोरोना संक्रमणबाट मृत्यु हुनेको संख्या १८०३ पुगेको छ ।
पछिल्लो २४ घण्टामा ६ हजार ५५९ जनामा कोरोना परीक्षण गरिएको छ। क्वारेन्टाइनमा ४०९ जना छन् भने आइसोलेसनमा ७ हजार ५१५ जना सक्रिय संक्रमित रहेका मन्त्रालयले जनाएको छ ।
