कोभिड डेडिकेटेड र ननकोभिड अस्पताल वर्गीकरण गर्न चिकित्सक संघको माग



काठमाडौं । नेपाल चिकित्सक संघले कोरोना संक्रमण भएका बिरामीहरुका लागि छुट्टै कोभिड डेडिकेटेड अस्पताल र अन्य बिरामीहरुका लागि ननकोभिड अस्पतालमा वर्गिकरण गरी उपचारको व्यवस्था गर्न सरकारसँग अनुरोध गरेको छ ।

स्वास्थ्य तथा जनसंख्या मन्त्रालयले मेडिकल कलेजलाई एक तिहाई र अन्य अस्पतालहरूलाई कम्तीमा २० प्रतिशत बेड छुट्याउने गरी गरेको निर्णय अविलम्ब सच्याउन माग गरेको हो ।

संघका महासचिव डा बद्री रिजालले बिहीबार विज्ञप्ति जारी गरी संघले हालको अवस्था आउनुभन्दा पहिलादेखि नै कोभिड डेडिकेटेड अस्पताल र अन्य बिरामीहरुका लागि ननकोभिड अस्पतालमा वर्गीकरण गरी उपचारको माग गर्दै आएको पनि ध्यानाकर्षण गराएका छन् ।

‘मन्त्रालयले हालै गरेको निर्णयका कारण देशभरका स्वास्थ्य संस्थाहरू संक्रमणको केन्द्र बन्न पुग्ने तथा प्रत्येक स्वास्थ्य संस्थाहरूमा कोभिड र ननकोभिडका बिरामीहरूको उपचार सँगै गर्दा चिकित्सक तथा स्वास्थ्यकर्मीहरूको जनशक्ति, आवश्यक सुरक्षाका सामग्रीहरुको समेत बढी खपत हुने र राज्यलाई थप आर्थिक भार समेत पर्न जाने’ संघको विज्ञप्तिमा उल्लेख छ ।

कोभिडभन्दा ननकोभिड अस्पतालका चिकित्सक तथा स्वास्थ्यकर्मीहरु नै धेरै संक्रमित भएको देखिएकोले स्वास्थ्य संस्थामा उपचारमा संलग्न हुने सक्षम जनशक्तिकै अभाव भई भयावह स्थिति सिर्जना हुने चेतावनी संघले दिएको छ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
स्वास्थ्य बिमा बोर्डले १० प्रतिशत शुल्क बीमितबाट लिने

काठमाडौं । स्वास्थ्य बिमा बोर्डले बीमित बिरामीबाट पनि १० प्रतिशत शुल्क लिने भएको

बाँकेमा मिर्गौलाका बिरामीलाई सास्ती, चार महिनादेखि पालो कुर्दै

बाँके । समयमा उपचार नपाउँदा मिर्गौलाका बिरामीले सास्ती व्यहोर्नु परेको छ । शिक्षण

अब हेटौँडा अस्पतालमा मिर्गौला प्रत्यारोपण हुने

बागमती । बागमती प्रदेशको राजधानी हेटौँडास्थित हेटौँडा अस्पतालमा मिर्गौला प्रत्यारोपण गर्न सम्झौता भएको

पाल्पामा विवाह भोजमा प्रयोग भएको पानीमा हैजाको जीवाणु

पाल्पा । पाल्पाको बगनासकालीमा विवाह भोजमा प्रयोग भएको पानी दूषित रहेको प्रयोगशालाबाट पुष्टि