बाल सचेतना केन्द्रले पुस २६ मा बौद्धमा निःशुल्क स्वास्थ्य शिविर संचालन गर्ने
काठमाडौं । मन बचन र कर्मले दीन दुः खीको सेवा गरौं, स्वास्थ्य शिविर कार्यक्रममा सहभागी बनौं , भ्रमण वर्ष २०२० सफल पारौं भन्ने उद्देश्यका साथ बाल सचेतना केन्द्र नेपालले बृहत निः शुल्क स्वास्थ्य शिविर आयोजना गर्ने भएको छ ।
शिविर काठमाडौं महानगरपालिका ६ बौद्धमा .सञ्चालन हुने भएको छ । सन् २०२० लाई सरकारले भ्रमण वर्ष घोषणा गर्दै २० लाख पर्यटक भित्राउने मूल उद्देश्य राखेर मनाउन लागिएको ‘भिजिट नेपाल’का लागि देशभर यसको तयारी भईरहेको छ ।
यसमध्य बालसचेतना केन्द्र नेपालले पनि भ्रमण वर्षलाई नै लक्षित गर्दै शिविर आयोजना गरेका संस्थाका केन्द्रिय अध्यक्ष बाबुराम फुयाँलले बताए । बौद्धनाथ क्षेत्र विकास समितिको संयोजकमा हुने कार्यक्रममा नेपाल भारत मैत्री हस्पिटलले भिडियो एक्सरे तथा ल्यावसहितको सेवा दिने आयोजकले बताएका छन् ।
शिविर बौद्ध स्तुपा परिसरमा बिहान ९ बजेदेखि शुरु गरिने आयोजकले जनाएको छ । शिविरमा जनरल फिजिसियन, नसा तथा बाथ रोग, बाल रोग,नाक, कान घाँटी, स्त्री रोग, सुगर तथा प्रेसर लगायतका विविध रोगको उपचार गरिने बताइएको छ ।
आधारभूत तथा जटिल प्रकृतिका स्वास्थ्य सेवाबाट वञ्चित वृद्ध, बालबालिका तथा विपन्न वर्गका व्क्तिहरुलाई लक्षित गर्दै पौष २६ गते शनिबार उक्त कार्यक्रम गर्न लागिएको आयोजकले जनाएको छ ।
शिविरबाट राष्ट्रिय तथा अन्तर्रा्ष्ट्रिय क्षेत्रबाट पाल्नुहुने पर्यटक पाहुना लगायत स्थानिय स्तरका गरिव, असहाय, विपन्न, जेष्ठ नागरिहरु लाभान्वित हुने आयोजकको विश्वास रहेको छ । स्वास्थ्य शिविरमा सहभागी भएर निःशुल्क स्वास्थ्य लाभ लिन अध्यक्ष फुयालले क्रियाशील सबै स्थानिय संघसंस्था, त्यसका पदाधिकारीहरु,बुद्धिजिवी, समाजसेवी, सर्वसाधारण तथा पत्रकारहरुलाई आग्रह गरेका छन् ।
