६ अंकले घट्यो शेयर बजार
काठमाडौं । साताको तेस्रो दिन मंगलबार शेयर बजार नेप्से सामान्य अंकले घटेको छ । मंगलबार नेप्से ६.३२ अंकले घटेर २६६९.८२ विन्दुमा पुगेको हो ।
नेप्से घटेसँगै कारोबार रकम पनि सोमबारको तुलनामा घटेको छ । आज ३०३ स्क्रिप्सको ८७ लाख ६८ हजार ५६६ कित्ता सेयर ४ अर्ब ४१ करोड ३३ लाख २० हजार २९० रुपैयाँमा खरिदबिक्री भए । आज कुनै पनि कम्पनीको सेयर सकारात्मक सर्किट लेभलमा कारोबार हुन सकेन ।
जोशी हााइड्रोपावर डेभलपमेन्टको सेयर ७.६७ प्रतिशतले बढ्दा खानीखोला हाइड्रोपावरको ७.५३,गणपति लघुवित्त वित्तीय संस्थाको ६.९१,अपर लघुवित्त वित्तीय संस्थाको ६.२७ र महिला लघुवित्त वित्तीय संस्थाको ६.२५ प्रतिशतले बढ्यो ।
एनआरएन इन्फ्रास्टक्चर एण्ड डेभलपमेन्टका लगानीकर्ताले भने सर्वाधिक गुमाए। सो कम्पनीको सेयर ९.९० प्रतिशतले घट्यो।
१८ अर्बमाथिको सेयर कारोबार गरी एनआरएन इन्फ्रास्टक्चर एण्ड डेभलपमेन्ट शीर्षस्थानमा रह्यो । सानिमा माइ हाइड्रोपावरको १८ करोड मूल्य बराबरको सेयर कारोबार हुँदा जानकी फाइनान्सको १७ करोड,हिमालयन डिस्टिलरीको ११ करोड र नेपाल एसबीआई बैंकको १० करोड मूल्य बराबरको कारोबार भयो ।
