बलात्कारको आरोपमा सशस्त्र प्रहरीका एसएसपी पक्राउ
पोखरा । बलात्कारको आरोपमा सशस्त्र प्रहरी बलका एसएसपी राजेन्द्र अधिकारी पक्राउ परेका छन् । चितवनकी २७ वर्षीया महिलालाई पोखरा तालिम केन्द्रमा बोलाएर बलात्कार गरेको आरोपमा एसएसपी अधिकारीलाई नियन्त्रणमा लिइएको प्रहरीले जनाएको छ ।
पीडित महिलालाई एसएसपी अधिकारीले खाना खान बोलाएर जबर्जस्ती करणी गरेको आरोप छ । अहिले घटनास्थलमा प्रहरी टोली पुगेर प्रमाणहरु संकलन गर्ने काम भइरहेको गण्डकी प्रदेश प्रहरीले जनाएको छ ।