अविवेकी सरकारको अन्धो कानून !!!



डा.गोविन्दशरण उपाध्याय

विश्वका प्राणिहरू जगतकी आमा पार्वती अन्नपूर्णासंग “भिक्षां देहि” भनेर करुणापूर्वक प्रसादका रूपमा अन्न तथा आवश्यक उपभोग्य सामग्रीमात्र होइन मोक्ष समेत माग्ने संस्कृति भएको देश नेपालमा भिक्षाटन गर्नु कानुनी अपराध हो भन्दा अव पत्याउनै पर्छ किनभने २०७४ को कानूनले यही भन्छ | अशक्त भएर मागे पनि, सन्यासी भएर मागे पनि र पैसा कमाउन मागे पनि अव सरकारले थुन्नुपर्छ |

मुलुकी अपराधसंहिता, २०७४ को परिच्छेद-५ को दफा १२६ मा सडक, गल्ली, पार्क, सवारी बिसौनीस्थल, सरकारी कार्यालय वा कार्यालयको परिसर र सार्वजनिक सवारी साधनमा भिक्षा माग्न वा माग्न लगाउन नहुने र भिक्षा माग्नेलाई अधिकतम दुई महिना कैद र दुई हजारसम्म जरिवाना तथा माग्न लगाउनेलाई तीन वर्ष कैद र रु ३० हजारसम्म जरिवाना हुने कानूनी व्यवस्था छ” यो कानुन विवेक र ब्यबहार सम्मत छैन |

यो देशमा हिन्दू, बौद्ध, जैन समुदायहरूको पुर्खेनी थलो हो | यी तिनै धर्ममा “भिक्षाटन” गर्नु धर्म र संस्कृति प्रमुख अंग हो | यदि यो कानुनको पालना गर्ने हो भने हिन्दू, जैन तथा बौद्ध भिक्षुहरूलाई झ्यालखाना जानुपर्ने हुन्छ | यहाँसम्म कि ब्रतबन्ध गर्दा बटुकले भिक्षा माग्छ, त्यो पनि अपराधि नै ठहरिन्छ | यसको अर्थ हो – वर्तमानको संविधानले हामी नेपालीहरूले आफ्नो धर्म, संस्कृति र परम्परा मान्नु अपराध हो |

अरू कामको विकल्प हुँदाहुँदै पनि कसैले माग्छ भने थुन्नुपर्छ तर भिक्षु वा सन्यासी वा अशक्तले माग्नु र दिनेले दिनु पनि हाम्रो सनातन संस्कृति हो |

जुन देशमा “भिक्षादान महादान” भन्ने चलन छ जुन देशका नागरिकले साधु-सन्त, भिक्षु-भिक्षुणी तथा याचकलाई “दरिद्र नारायण” भनेर सम्मान गर्छन् उप्रान्त साधु-सन्त, भिक्षु-भिक्षुणी तथा याचक माग्न आएको खण्डमा ढोका थुनेर प्रहरीलाई खवर गर्नुपर्ने भयो !!! सबै थोक ठीक हुँदाहुँदै पनि केवल पैसा कमाउन वा अरू कामको विकल्प हुँदाहुँदै पनि कसैले माग्छ भने थुन्नुपर्छ तर भिक्षु वा सन्यासी वा अशक्तले माग्नु र दिनेले दिनु पनि हाम्रो सनातन संस्कृति हो |

डा.उपाध्याय त्रिभुवन विश्वविद्यालय दर्शनशास्त्र विभागका प्राध्यापक हुन् ।

 

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
हाम्रो प्रजातन्त्र….

डा. गोविन्दशरण उपाध्याय । प्रजातन्त्रसँग मेरो कुनै विरोध छैन । प्रजातन्त्रसँग मेरो कुनै

विचारको ग्राह्यता…

डा. गोविन्दशरण उपाध्याय । मेरो विचार र मैले प्रतिपादन गरेको सिद्धान्त नै असली

पति-पत्नीः अभिन्न मित्र

डा. गोविन्दशरण उपाध्याय । पति र पत्नी दुवै शब्दको अर्थ ‘मालिक मालिक्नी’ हुन्छ

के एमसीसी पास गर्यो भने नेपालले अमेरिकाको कानून मान्नुपर्छ ?

डा. विश्व पौडेल । जसले एमसिसी पास गर्यो भने नेपालले अमेरिकाको कानून मान्नुपर्छ