सुदूरपश्चिमका नवनियुक्त मुख्यमन्त्री, मन्त्री र राज्यमन्त्रीले लिए शपथ

सुदूरपश्चिम । सुदूरपश्चिमका नवनियुक्त मुख्यमन्त्री कमलबहादुर शाहसँगै ६ मन्त्री र तीन जना राज्यमन्त्रीले शपथ लिएका छन् ।

सोमबार दिउँसो नवनियुक्त मुख्यमन्त्री शाह र मन्त्रीहरुलाई प्रदेश प्रमुख नजिर मियाँले शपथ गराएका हुन् । तीन जना राज्यमन्त्रीलाई पनि मुख्यमन्त्री शाहले शपथ खुवाएका छन् ।

नेपाली काग्रेंसबाट मुख्यमन्त्री शाहसँगै आर्थिक मामिला मन्त्रीमा बहादुरसिहं थापा, सामाजिक विकास मन्त्रीमा मेघराज खड्का, आर्थिक मामिला राज्यमन्त्रीमा प्रकाश बम र सामाजिक विकास राज्यमन्त्रीमा सरस्वती खड्काले शपथ खाएका छन् ।

त्यस्तै एमालेबाट भौतिक पुर्वाधार विकास मन्त्रीमा सुरेन्द्रबहादुर पाल, भुमी, व्यवस्था कृषि तथा सहकारी मन्त्रीमा वीरबहादुर थापा, आन्तरिक मामिला तथा कानुन मन्त्रीमा हिरा शार्की नियुक्त भएर शपथ खाएका हुन् । भौतिक पुर्वाधार विकास राज्यमन्त्रीमा निर्मला साउदले शपथ खाएकी छन् ।

त्यस्तै नागरिक उन्मुक्तिबाट लक्ष्मण किशोर चौधरीले उद्योग पर्यटन वन तथा वातावरण मन्त्रीको रुपमा शपथ खाएका छन् । एमालेका पाल, थापा र सार्की यसअघि थोरै समयका लागि मन्त्री बनेका थिए ।