केन्द्रीय नेताहरूको कार्यविभाजन हेरफेर गर्न एमालेको सचिवालय बैठक बस्दै

काठमाडौं । सत्तारुढ नेकपा एमालेको सचिवालयको बैठक बस्दैछ । बैठक आज बिहान ११ बजे होटल बसेरामा बोलाइएको हो । बुधबारको बाढीले च्यासलस्थित पार्टी केन्द्रीय कार्यालय डुबानमा परेपछि होटलमा बस्ने गरी सचिवालय बैठक बोलाइएको हो । बैठकमा नेताहरूको कार्यविभाजन तथा समसामयिक राजनीतिबारे छलफल हुने बताइएको छ ।

असार २६ मा बसेको सचिवालय बैठकले पार्टीका केन्द्रीय नेताहरूको कार्यविभाजन हेरफेर गर्ने निर्णय गरेको थियो । सोही निर्णयानुसार कार्यविभाजनसम्बन्धी मापदण्ड बनाएर आगामी सचिवालय बैठकमा केन्द्रीय नेताको कार्यविभाजन गर्न लागिएको एमालेले जानकारी दिएको छ ।