बुटवल । नेकपा एमालेको लुम्बिनी प्रदेशका संसदीय दलका नेता लीला गिरीले राजीनामा दिएका छन्। दलको नेता छोडेर उपनेतालाई मुख्यमन्त्री बनाउन एमाले केन्द्रबाट निर्देशन आएपछि गिरी असन्तुष्ट थिए ।
दलका उपनेता चेतनारायण आचार्य मुख्यमन्त्री नियुक्त भएपछि दलको नेता गिरी र प्रमुख सचेतक तुलसी चौधरीले राजीनामा दिएका हुन् । गिरीले आफूले राजीनामा दिएको पत्र पार्टी अध्यक्ष केपी शर्मा ओलीलाई पठाएका छन् ।
संसदीय दलका नेता तथा पार्टी पोलिटब्युरो सदस्य गिरीलाई मुख्यमन्त्री बनाउने तयारी गरेको एमालेले एकाएक गिरीको नाम हटाएर संसदीय दलका उपनेता आचार्यलाई मुख्यमन्त्री बनाउन पार्टी केन्द्रबाट निर्देशन आएपछि नेता तथा कार्यकर्ताहरूमा असन्तुष्टि देखिएको थियो ।
गिरी पार्टीभित्र उपाध्यक्ष विष्णु पौडेल निकट मानिन्छन् भने आचार्य महासचिव शंकर पोखरेल निकट मानिन्छन्।
प्रतिक्रिया