बागमतीमा कांग्रेस एमालेबीच २०-२० महिना मुख्यमन्त्री हुने यस्तो भयो सहमति

बागमती । नेकपा एमालेले पार्टीकातर्फबाट बागमती प्रदेशमा मन्त्रीको टुंग्याएको छ । एमालेले आफूले पाएको ६ मन्त्रालयमा मन्त्रीको नाम टुंग्याएको हो ।

जसमा किरण थापा, प्रकाश श्रेष्ठ, प्रेमभक्त महर्जन,सुकमाया तामाङ, कृष्णप्रसाद सिलवाल र अमनकुमार मास्के मन्त्री बन्ने भएका छन् । एमालेले आर्थिक मामिला तथा योजना मन्त्रालय, खानेपानी, ऊर्जा तथा सिँचाइ मन्त्रालय, वन तथा वातावरण मन्त्रालय, स्वास्थ्य मन्त्रालय र उद्योग, वाणिज्य, भूमि तथा प्रशासन मन्त्रालय पाएको छ ।

दुई दलको सहमतिअनुसार सुरुमा नेपाली कांग्रेसका संसदीय दलका नेता बहादुरसिंह लामा २० महिना र त्यसपछि नेकपा एमालेका जगन्नाथ थपलिया मुख्यमन्त्री बन्ने बन्नेछन् । एमालेले भौतिक पूर्वाधारसहित ६ मन्त्रालय र कांग्रेसले मुख्यमन्त्रीसहित ७ वटा लिने सहमति भएको छ ।

कांग्रेसले मुख्यमन्त्रीसहित, आर्थिक मामिला तथा योजना मन्त्रालय, आन्तरिक मामिला तथा कानुन मन्त्रालय, सामाजिक, युवा तथा खेलकुद मन्त्रालय, श्रम रोजगार तथा यातायात मन्त्रालय , संस्कृति, पर्यटन तथा सहकारी मन्त्रालय लिने भएको छ ।

त्यस्तै एमालेले भौतिकसहित खानेपानी, ऊर्जा तथा सिँचाइ मन्त्रालय, कृषि तथा पशुपन्छी विकास मन्त्रालय, वन तथा वातावरण मन्त्रालय, उद्योग, वाणिज्य भूमि तथा प्रशासन मन्त्रालय र स्वास्थ्य मन्त्रालय लिने सहमति बनेको हो ।

एमालेको समर्थनमा कांग्रेस संसदीय दलका नेता बहादुरसिंह लामाले आजै मुख्यमन्त्रीमा दाबी पेस गर्दैछन् ।