ओलीलाई प्रधानमन्त्री बनाउने दाबी पेस गर्न कांग्रेस र एमाले शीतलनिवास पुग्दै

काठमाडौं । राष्ट्रपति रामचन्द्र पौडेलले नयाँ सरकार गठनका लागि आह्वान गरेलगत्तै नेकपा एमाले र नेपाली कांग्रेस बहुमतको दाबी पेस गर्न अहिले शीतलनिवास जाँदै छन् ।

एमाले अध्यक्ष केपी शर्मा ओलीलाई प्रधानमन्त्री नियुक्त गर्न माग गर्दै बहुमतको दाबी पेस गर्न लागिएको एमालेका प्रमुख सचेतक महेश बर्ताैलाले जानकारी दिए । राष्ट्रपति पौडेलले आइतबार साँझ ५ बजेसम्मका लागि दाबी पेस गर्ने समय दिएका छन् । उनले संविधानको धारा ७६ (२) अनुरुप दाबी पेसका लागि आह्वान गरेका छन् ।