‘संसदमा उभिएर पटक-पटक उही दिव्य उपदेश ! कोरोनाले मर्नेहरू अरू कुनै कारणले मरेका रे !’
काठमाडौं । पूर्वप्रधानमन्त्री डा. बाबुराम भट्टराईले प्रधानमन्त्री केपी शर्मा ओलीप्रति कटाक्ष गरेका छन् । संसदमा प्रधानमन्त्रीले सम्बोधन गर्दै गर्दा भट्टराईले अजासु प्रवृत्ति देखिएको बताएका हुन् । प्रधानमन्त्रीले कोरोनाले मर्नेहरु अरुनै रोगले मरेका, क्वारेन्टाइनहरु राम्रो हुँदै गएको बताएपछि भट्टराईले यस्तो टिप्पणी गरेका हुन् ।
उनले लेखेका छन्,‘ प्रधानमन्त्रीको सबभन्दा ठूलो रोग डनिंग(क्रुगर इफेक्ट (अजासु प्रवृत्ति) नै देखियो । संसदमा उभिएर पटक पटक उही दिव्य उपदेश ! कोरोनाले मर्नेहरू अरू कुनै कारणले मरेका रे ! क्वरेन्टीनमा बस्नेहरूको यत्रो विजोग,परीक्षणको अभाव,विदेशबाट फर्कनेहरूको कन्तविजोक जगजाहेर छँदाछँदै सबै ठीकठाक रे!’
