क्वारेन्टाइनको व्यवस्थापनमा जुटेका वडाध्यक्षको मृत्यु

कञ्चनपुर । क्वारेन्टाइन व्यवस्थामा जुटेका कञ्चनपुरको कृष्णपुर नगरपालिका वडा नम्बर ७ का वडाध्यक्ष कल्लु रानाको मृत्यु भएको छ । मंगलबार राति एक्कासी बेहोस भएका रानाको मृत्यु भएको हो ।

नगर प्रमुख कर्ण बहादुर हमालका अनुसार मंगलबार राति क्वारेन्टाइनको व्यवस्थापन बारे जानकारी लिनका लागि क्वारेन्टाइनमा पुगेका उनको एक्कासी मृत्यु भएको हो ।

वडा अध्यक्ष रानामा कुनै पनि रोगको लक्षणहरु यस अघि देखिएको थिएन । रानाको शव परिक्षणका लागि रातिनै सेती प्रादेशिक अस्पताल धनगढीमा पुर्याईएको छ । अस्पतालमा मृतक रानाको शव परिक्षण पश्चात स्वावको नमूना संकलन गरी परिक्षण गरिने बताइएको छ।