कांग्रेस पदाधिकारी बैठक बस्दै
काठमाडौं । नेपाली कांग्रेसको पदाधिकारी तथा पूर्व पदाधिकारी बैठक बस्दै छ । आज दिउँसो २ बजे बस्ने बैठकमा सरकारमा सहभागी हुने मन्त्री र पार्टीको १४ औं महाधिवेशनबारे छलफल हुने बताइएको छ ।
पार्टी सभापति शेरबहादुर देउवाले प्रधानमन्त्री भएपछि नेता बालकृष्ण खाणलाई गृहमन्त्री र ज्ञानेन्द्र कार्कीलाई कानुनमन्त्री बनाएका छन् । पार्टीभित्र सन्तुलन मिलाएर बाँकी मन्त्री टुंग्याउने काँग्रेस नेताहरुको तयारी छ । यस्तै पार्टीको आसन्न १४ औं महाधिवेशन र क्रियाशील सदस्यता वितरणमा देखिएका विवादबारे पनि छलफल हुने छ ।
क्रियाशील सदस्यता छानबिन समितिले असार समान्तसम्म काम सक्ने भने पनि अझै केही काम बाँकी नै छ । जसका कारण साउन १२ गतेदेखि सुरु हुने वडा अधिवेशनमा प्रभाव गर्ने देखिएको छ । त्यसैले भदौँ १६–१९ का लागि महाधिवेशनको मिति तय गरिसकेको छ ।
