लुम्बिनी प्रदेशकी भौतिक पूर्वाधार राज्यमन्त्री शर्माले दिइन् पदबाट राजीनामा
भैरहवा । जनता समाजवादी पार्टीका लुम्बनी प्रदेशसभा सदस्य एवं लुम्बिनी सरकारका भौतिक पूर्वाधार राज्यमन्त्री सुमन शर्मा रायमाझीले पदबाट राजीनामा दिएकी छन् ।
जनता समाजवादी पार्टीको निर्णय विपरित महन्थ ठाकुर पक्षको उक्साहटमा राज्यमन्त्री बनेकी शर्माले पार्टीको समर्थन र सहयोग विना सरकारमा रही निरन्तरता दिन नसक्ने भएको जनाउदै राजीनामा दिएकी हुन् ।
शर्माको राजीनामाले मुख्यमन्त्री शंकर पोखरेल नेतृत्वको लुम्वनी सरकार र जसपा ठाकुर महतो पक्षलाई झट्का लागेको छ ।
जसपा अध्यक्ष उपेन्द्र यादवले प्रलोभनमा परि पार्टी निर्णय विपरित गएकाहरु चाँडै घर फर्किने घोषणा गरे लगतै सुमनको राजीनामा आएको हो ।
जसपाको आधिकारिकता सम्बन्धी विवाद निर्वाचन आयोगमा रहकै बेला ठाकुर महतो पक्षका नेता कार्यकर्ताहरु संस्थानपक्ष तिर आउन लागेका छन् ।
