राप्रपा अध्यक्षद्वय थापा र लोहनीद्वारा लिङ्गदेनको स्वास्थ्य अवस्थाबारे जानकारी
काठमाडौं । अस्वस्थ भई मेडिसिटी अस्पतालमा उपचारार्थ राप्रपा नेता तथा सांसद राजेन्द्र लिङ्देनको स्वास्थ्य अवस्था बुझ्न अध्यक्ष कमल थापा मेडिसिटी अस्पताल पुगेका छन् । अस्पतालका डाक्टर दिप्तेश अर्याल र सिईयो पंकज बास्कोटाले अध्यक्ष थापालाई लिङ्देनको पछिल्लो स्वास्थ्य अवस्थाबारे जानकारी गराएका थिए ।
अस्पतालले दिएको जानकारी अनुसार सांसद लिङ्ग्देनको स्वास्थ्य अवस्थामा उल्लेख्य सुधार भएको छ । पुनः कोभिड परीक्षणका लागि स्वाब लिईसकिएको छ । अस्पताल श्रोतका अनुसार अहिले लिङ्गदेनलाई अक्सिजन दिन परेको छैन ।
अध्यक्ष थापा पार्टी कार्यक्रमको सिलसिलामा गृहजिल्ला मकवानपुर थिए । आज काठमाडौं फर्किने क्रममा अध्यक्ष थापा मेडिसिटी अस्पताल पुग्नुभएको र पार्टी अध्यक्ष डाक्टर प्रकाशचन्द्र लोहनी पनि अस्पताल पुगेर लिङ्देनको स्वास्थ अवस्था बुझ्न अस्पताल पुग्नुभएको राप्रपा सचिवालय सदस्य राजाराम बर्तौलाले जानकारी दिए ।
