थप १७२८ जनामा कोरोना संक्रमण, ४३४८ जना संक्रमणमुक्त
काठमाडौं । नेपालमा थप १७२८ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा थप १७२८ जनामा संक्रमण पुष्टि भएको हो । योसँगै कोरोना संक्रमितको संख्या ६३६९१६ पुगेको छ ।
त्यस्तै पछिल्लो २४ घण्टामा ४३४८ जना संक्रमणमुक्त भएका छन् । त्यस्तै कोरोना संक्रमणबाट पछिल्लो २४ घण्टामा थप २० जनाको मृत्यु भएको छ । योसँगै मृत्यु हुनेको संख्या ९०७१ पुगेको मन्त्रालयले जनाएको छ । क्वारेन्टाइनमा ३३८ जना छन् भने आइसोलेसनमा ३५३१० जना सक्रिय संक्रमित रहेका छन् ।
