कांग्रेस नेताहरुबीच महाधिवेशन केन्द्रित छलफललाई तीव्रता
काठमाडौं । नेपाली कांग्रेसको महाधिवेशनको मिति नजिकिँदै जाँदा कांग्रेसका नेताहरूले भेटघाटलाई तीव्र बनाएका छन् । यसैक्रममा मंगलबार पूर्वमहामन्त्री प्रकाशमान सिंहको निवास चाक्सीबारीमा उपसभापति विमलेन्द्र निधि, महामन्त्री डा. शशांक कोइरालाको ‘लञ्ज मिटिङ’ भएको छ ।
कांग्रेसभित्र नयाँ धार निर्माणका लागि प्रयास गरिरहेका उनीहरूबीच महाधिवेशनमा सहकार्य गर्ने र पार्टीलाई सुदृढ बनाउने विषयमा छलफल भइरहेको बताइएको छ ।
यसअघि पनि उनीहरुबीच दुईपटक छलफल भइसकेको छ । यसअघि कांग्रेस वरिष्ठ नेता रामचन्द्र पौडेल, नेता कृष्ण सिटौला र सुजाता कोइरालाबीच पनि भेटवार्ता भएको थियो । उनीहरुबीच महाधिवेशनमा मिलेर जाने विषयमा कुराकानी भएको बताइएको छ ।
