पार्टी विभाजन हुँदैनः मणि थापा
काठमाडौं । नेपाल कम्युनिष्ट पार्टी (नेकपा) का स्थायी कमिटी सदस्य मणि थापाले नेकपाको शक्ति सन्तुलन एकताको पक्षमा देखिएको बताएका छन् । बुधबार काठमाडौंमा आयोजित साक्षात्कारमा थापाले पार्टी एकता ताकाको स्पिरिटमा आएको र यही कोर्समा पार्टी अघि बढ्ने बताए । थापाले आफू कुनैपनि गुटमा नभएको जिकिर गरे ।
उनले पार्टीभित्र पछिल्लो समय चलेको बहस र आन्तरिक संघर्षले पार्टी टुट र फूट हुने हो कि भन्ने आमनेता तथा कार्यकर्तामा चिन्ता भएपनि पार्टी फुटको चरणमा नभएको दाबी गरे । उपाध्यक्ष वामदेव गौतमले पार्टी एकताको पक्षमा राखेको ६ बुँदे प्रस्ताव सही रहेको र आफूलगायत ११ जना स्थायी कमिटी सदस्यहरूले यसअघि नै त्यही आशयको प्रस्ताव ल्याईसकेको पनि उनले बताए । उनले बहुमत र अल्पमतको आधारमा नभई सहमतिको आधारमा निर्णय हुनुपर्ने पनि धारणा राखे ।
