ओमानमा दासी बनाइएका ५० भन्दा बढी अफ्रिकी महिलाको उद्धार
बीबीसी । एउटा ह्वाट्स्याप समूहको पहलमा खाडी राष्ट्र ओमानमा जबर्जस्ती श्रम गराइएका तथा यौन शोषणबाट पीडित ५० भन्दा बढी घरेलु महिला कामदारको उद्धार गरिएको छ ।
संयुक्त राज्य अमेरिकाकी सोशल मिडिया अभियन्ता पिलिलानी मोम्बे न्योनीले सुरु गरेको समूहले मलावी सरकारको सहयोगमा मलावीका ती महिलाहरूको उद्धार गरेको हो । यस अभियानमा मलावी सरकारले १ लाख ६० हजार डलर खर्च गरिसकेको जनाएको छ ।
