वेस्ट बैंकको झडपमा ३७ प्यालेस्टाइनी घाइते



वेस्ट बैंकको नाब्लस शहरमा इजरायली सेनासँगको झडपमा शुक्रबार कम्तीमा ३७ प्यालेस्टाइनी घाइते भएको प्यालेस्टिनी चिकित्सक र प्रत्यक्षदर्शीले बताएका छन् ।

प्यालेस्टिनी रेड क्रिसेन्ट सोसाइटीले विज्ञप्ति जारी गर्दै घाइतेमध्ये तीन जनालाई घातक गोली र नौ जनालाई रबरको गोली प्रहार गरिएको बताएको छ ।

प्यालेस्टिनी प्रत्यक्षदर्शीहरूले बताएअनुसार नाब्लस शहरको दक्षिण र पूर्व, बेइटा र बेइट दाजान गाउँहरूमा र काफ्र कद्दुम गाउँमा विरोधी प्रदर्शनकारीहरू र इजरायली सैनिकहरू बीच भीषण झडप भएको थियो । प्रदर्शनकारीहरूले टायर जलाएर विरोध प्रदर्शन गर्दै गाउँको वरिपरि तैनाथ इजरायली सैनिकहरूलाई ढुङ्गा प्रहार गरेका थिए ।

काफ्र कद्दुम गाउँका प्रतिरोध कार्यका लोकप्रिय संयोजक मुराद एश्तेवीले सिन्ह्वालाई दिएको जानकारी अनुसार इजरायली सैनिकहरूले आफ्नो गाउँ विरुद्धको कदमलाई अस्वीकार गर्दै प्यालेस्टिनी प्रदर्शनकारीहरूलाई आक्रमण गर्न रबरको गोली, अश्रुग्यास र साउन्ड बम प्रयोग गरेका थिए ।

इजरायली अधिकारीहरूले भने हालसम्म उक्त घटनाबारे कुनै टिप्पणी गरेका छैनन्। जुन १९६७ मा मध्य पूर्व युद्धमा, इजरायलले प्यालेस्टिनीहरूले दाबी गर्ने वेस्ट बैंक, गाजा पट्टी र पूर्वी जेरुसेलमलाई कब्जा गरेको थियो र त्यस बेलादेखि ती क्षेत्रहरू नियन्त्रणमा लिएको छ।

इजरायली सेनाले प्यालेस्टिनी लडाकु र प्रदर्शनकारीहरू विरुद्धको सैन्य कारबाहीलाई तीव्र बनाएपछि वेस्ट बैंकमा विगत केही दिनदेखि तनाव बढेको छ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
सिङ्गापुरमा घट्दै जन्मदर

परिवारमा एक्लै बस्ने वृद्ध सिङ्गापुरका बासिन्दाहरूको सङ्ख्या सन् २०१३ मा ३५ हजार एक

कुवेत आयल कम्पनीद्वारा महत्त्वपूर्ण तेल, ग्यास खोजको घोषणा

कुवेत आयल कम्पनी (केओसी) ले कुवेतको आर्थिक जलक्षेत्रमा रहेको फैलाका टापुको पूर्वमा रहेको

सुडानी सेनाको कारबाहीमा खार्तुममा एक सयभन्दा बढी अर्धसैनिकको मृत्यु

सुडानी सशस्त्र बल (एसएएफ) ले राजधानी खार्तुममा अपरेशनका क्रममा अर्धसैनिक र्यापिड सपोर्ट फोर्स

रुसी–अमेरिकी पत्रकार गेसनलाई ८ वर्षको जेल सजाय

  रुसी सेनामाथि युक्रेनमा अपराध गरेको आरोप लगाउने एक रुसी–अमेरिकी पत्रकारलाई सोमबार मस्कोको