जापान सरकारद्वारा तीन महिने ऊर्जा बचतका लागि आह्वान



जापान सरकारले सात वर्षमा पहिलो पटक शुक्रबार व्यवसाय तथा वस्तीहरूमा बिद्युतको अभावबाट बच्नको लागि तीन महिना अवधिको लागि विद्युत संरक्षणका लागि अनुरोध गरेको छ ।

गर्मीसँगै तातो हावा बहन थालेपछि विद्युतको खपत अत्यधिक खपत हुन थालेको समय सरकारले विद्युत खपतमा सावधानी अपनाउन आग्रह गरेको हो ।

सरकारले सेप्टेम्बरदेखि विद्युतको प्रयोगमा कटौती गर्ने कुनै तालिका सार्वजनिक नगरे पनि मानिसहरूलाई उद्योगहरूको सञ्चालन तथा नागरिकहरूको दैनिक जीवनमा बाधा सिर्जना नगरिकन विद्युत खपत स्तर कम गर्न आग्रह गरेको हो ।

स्थानीय सञ्चार माध्यमका अनुसार सातौं दिनसम्म लगातार ३५ डिग्री सेल्सियसभन्दा बढी तापक्रम रेकर्ड गरिएको र यसबाट ‘अत्यधिक गर्मी’ भएको अधिकारीहरूले बताएका छन् ।

शुक्रबार टोकियोमा ३७.० डिग्री सेल्सियसमा पुगेको छ । विद्युतको कमीबाट बच्न मानिसहरूले ऊर्जा संरक्षणका उपायहरू अपनाउनु विशेष गरी महत्वपूर्ण हुन भन्दै सरकारले साँझ ५ बजेदेखि ८ बजेसम्म कम विद्युत खपतका लागि सूचना जारी गरेको हो । उक्त समय सौर्य ऊर्जा उत्पादन घट्दा विद्युतको माग अनुसार आपुर्तिमा अभाव हुने देखिएको अधिकारीले बताएका छन् ।

यस बर्ष जापानका विभिन्न छ स्थानमा ४० डिग्री असामान्य तापक्रम वृद्धिसँगै अर्थ, व्यापार तथा उद्योग मन्त्रालयले मानिसहरूलाई तापघात र तापसित सम्बन्धित अन्य रोगहरूको चिन्ताले गर्दा एयर कन्डिसनरको प्रयोग जारी राख्न पनि आग्रह गरेको छ ।

मन्त्रालयले एयर कन्डिसनर बन्द गर्नुको सट्टा बत्तीको लागि बिजुलीको खपतमा कमी गर्न र अनावश्यक विद्युतीय उपकरणहरूको कम प्रयोगका लागि आग्रह गरेको हो ।

जापानको मौसम विज्ञान निकायले कान्टो–कोशिनदेखि क्युशु क्षेत्रसम्म व्यापक गर्मीसँगै शुक्रबार ‘लु’ लाग्ने चेतावनी जारी गरेको थियो । जापानका अस्पतालहरूमा उच्च तापक्रमका कारण देखिने समस्याहरू लिएर जानेको सङ्ख्या उल्लेख्य बढेको बताइएको छ ।

तातो हावा बहने सम्भावना रहेका क्षेत्रमा उच्च तापक्रमका कारण हुनसक्ने मस्तिष्कघात रोक्न नागरिकहरूले घरबाहिर निस्कँदा मास्क नलगाउन जापानका उप–मुख्य मन्त्री सेइजी किहाराले आग्रह गरेका छन् ।

किहाराले यस विषयमा प्रेस ब्रिफिङमा भने, “कोभिड–१९ सङ्क्रमण रोक्नका लागि यसपूर्व सरकारले गरेको निर्देशनलाई पुनः विचार गर्दै निकै नजिक रहेर अरू मानिससँग बोल्दा वा बस्दाबाहेक मास्क फुकाल्न आग्रह गर्दछौं ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
जापानमा निसानले सेल्फ ड्राइभिङ ट्याक्सी सेवा सञ्चालन गर्ने

निसानले सन् २०२७ को अप्रिलदेखि जापानमा सेल्फ ड्राइभिङ ट्याक्सी सेवा सुरु गर्ने भएको

ग्रीसले आर्मेनिया–अजरबैजान बीचको शान्ति प्रयासलाई समर्थन गर्ने

ग्रीसले आर्मेनिया र अजरबैजान बीचको शान्ति सन्धिका लागि गरिने सबै कूटनीतिक प्रयासहरूलाई समर्थन

पश्चिमले युक्रेनमा सेना पठाएमा रुस–नेटो भीडन्त हुन क्रेमलिनको चेतावनी

पश्चिमी राष्ट्रहरूले युक्रेनमा सेना पठाउने निर्णय गरेमा रुस र उत्तर एट्लान्टिक सन्धि सङ्गठन

रुसी अधिकारकर्मी ओलेग आर्लोभलाई जेल सजाय

बीबीसी । रुसका एकजना प्रतिष्ठित मानव अधिकारकर्मीलाई अदालतले दुई वर्ष ६ महिनाको जेलसजाय