विश्वमा कोरोना संक्रमितको संख्या ११ करोड ६६ लाख नाघ्यो
विश्वमा कोरोना भाईरस संक्रमितको संख्या ११ करोड ६६ लाख नाघेको छ । पछिल्लो २४ घण्टामा ४ लाख ३३ हजार भन्दाबढी नयाँ संक्रमित थपिएसँगै संक्रमितको संख्या ११ करोड ६६ लाख हजार ६८ सय ३८३ पुगेको छ।
यस्तै, कोरोना संक्रमणका कारण विश्वमा पछिल्लो २४ घण्टामा ९ हजार २ सय बढीको मृत्यु भएको छ। कोरोना संक्रमणका कारण हालसम्म २५ लाख ९२ हजार ४७ जनाको मृत्यु भइसकेको छ। विश्वमा हालसम्म ९ करोड २२ लाख ८० हजार ६६८ जना कोरोना भाइरसका संक्रमित कोरोनामुक्त भएका छन् ।
हाल विश्वमा दुई करोड १७ लाख ९५ हजारभन्दा बढी सक्रिय संक्रमित छन् । विश्वमा सबैभन्दाबढी प्रभावित अमेरिकामा हालसम्म संक्रमितको संख्या दुई करोड ९५ लाख ९३ हजार ७ सय ४ पुगेको छ । संक्रमितमध्ये २ करोड १ लाख ८३ हजारभन्दा बढी निको भएका छन् भने ५ लाख ३५ हजार ५ सय ६३ जना संक्रमितले ज्यान गुमाइसकेका छन् ।
छिमेकी मुलुक भारतमा पछिल्लो २४ घण्टामा थप १ सय ९ जनाको मृत्यु भएसँगै कोरोनाले ज्यान गुमाउनेको संख्या १ लाख ५७ हजार ६९३ पुगेको हो । यस्तै पछिल्लो २४ घण्टामा १८ हजार २९२ जनामा संक्रमण पुष्टि भएसँगै संक्रमितको संख्या १ करोड ११ लाख ९१ हजार ८६४ पुगेको छ ।
