विश्वमा २४ घन्टामा नौ हजार सात सयबढी कोरोना संक्रमितको मृत्यु
विश्वमा कोरोना भाइरस संक्रमणका कारण मृत्यु हुनेको संख्या २५ लाख ८१ हजार नाघेको छ । पछिल्लो २४ घण्टामा नौ हजार सात सय भन्दाबढीको मृत्यु भएको छ । योसँगै विश्वभर कोरोनाका कारण मृत्यु हुनेको संख्या २५ लाख ८१ हजार ६४९ पुगेको छ ।
यस्तै, पछिल्लो २४ घण्टामा ४ लाख ५३ हजार भन्दा बढीमा संक्रमण पुष्टि भएसँगै संक्रमितको संख्या ११ करोड ६२ लाख १६ हजार ५८० पुगेको छ । हालसम्म विश्वमा ९ करोड १८ लाख ८४ हजार भन्दा बढी मानिसले कोरोना भाइरसको संक्रमणलाई जितेका छन् । संक्रमितमध्ये २ करोड १७ लाख ५० हजार ६८२ जना सक्रिय संक्रिमत रहेका छन् भने ८९ हजार ७४७ जनाको अवस्था गम्भीर रहेको छ ।
कोरोनाले सबैभन्दा बढी प्रभावित भएको अमेरिकामा ५ लाख ३३ हजार ६३६ जनाको मृत्यु भएको छ भने २ करोड ९५ लाख २६ हजार भन्दा बढी संक्रमित भएका छन् । छिमेकी मुलुक भारतमा कोरोना संक्रमितका संख्या १ करोड ११ लाख ७३ हजार नाघेको छ भने १ लाख ५७ हजार ५८४जनाको मृत्यु भएको छ ।