म्यान्मारमा एक जना प्रदर्शनकारीको गोली लागेर मृत्यु

म्यान्मारमा सैनिक कू को विरोधमा उत्रिएकी २० वर्षीया युवतीको मृत्यु भएको छ । गत साता प्रहरीले भिडलाई तितरबितर पार्न पानीको फोहोरा, रबरको गोली र गोली प्रयोग गर्दा मा थ्वे हाइङको टाउकोमा गोली लागेको थियो ।

राजधानीमा रहेको अस्पतालले शुक्रबार बिहान ११ बजे उनको मृत्यु पुष्टि गरेको हो । उनको अन्तिम संस्कारको तयारी भइरहेको बताइएको छ । एक चिकित्सकले एएफपी समाचारसंस्थालाई उनका लागि न्याय खोज्दै अगाडि बढ्ने बताएका छन् । म्यान्मारमा सैनिक कू को विरोधमा नागरिकको प्रदर्शन चर्किँदै गएको छ ।