उत्तराखण्डमा सरीसृपलाई दुर्घटनाबाट जोगाउन आकाशे पुल निर्माण



भारतका वन अधिकारीहरूले घ्रसेर हिँड्ने सरीसृप र अन्य साना वन्यजन्तुलाई उत्तराखण्डको एउटा व्यस्त सडक पार गर्न सहयोग पुग्नेगरी विशेष पुल निर्माण गरेका छन् । ९० फुट अर्थात् २७ मिटर लामो उक्त “इको ब्रिज” बाँस, जुट र घाँसबाट बनेको र त्यस्तो खालको पहिलो संरचना भएको स्थानीय सञ्चारमाध्यमहरूले जनाएका छन् ।

लोकप्रिय पर्यटकीय गन्तव्य नैनीताल जाने उक्त राजमार्गमा तीव्र गतिमा गुड्ने सवारीसाधनका कारण कैयौँ वन्यजन्तुको ज्यान जाने गरेको छ । लक्षित वन्यजीवले पुलमा प्रयोग गरून् भनेर त्यसमा घाँस र लहराहरू उमार्ने काम गरिएको अधिकारीहरूले बताएका छन् ।

उत्तराखण्डका वन अधिकारी चन्द्रशेखर जोशीले भने, ‘कैयौँ सरीसृपहरू र अरू साना जीवलाई यो राजमार्गमा पर्यटकले चढ्ने सवारीसाधनहरूले मार्ने गर्दै आएका छन्।’ उनले वन्यजन्तुको आवतजावत निगरानी गर्न अधिकारीहरूले पुलको दुवैतिर क्यामरा जडान गरिएको पनि जानकारी दिए ।

अहिले उक्त पुल नै पर्यटकहरूको आकर्षणस्थल बनेको छ र त्यहाँ रोकिएर धेरैले तस्बिर र सेल्फी खिच्न थालेका छन् । तर वन विभागले उक्त पुलले चाँडै वन्यजन्तुलाई पनि आकर्षण गर्ने अपेक्षा राखेको छ । अधिकारीहरूले यो पुलले त्यस क्षेत्रमा रहेका साना जन्तु र सरीसृपहरूबारे जनचेतना जगाउने र उनीहरूको संरक्षणमा सहयोग गर्ने विश्वास राखेका छन्।

 

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
बोआओ फोरममा चीनको प्रतिबद्धता, खुलापन र साझेदारी

यसवर्ष सन् २०२४ को बोआओ फोरमको एसियाली वार्षिक सम्मेलनमा विश्वले आज सामना गरिरहेका

ज्याकोब जुमाले चुनाव लड्न नपाउने

दक्षिण अफ्रिकाका पूर्व राष्ट्रपति ज्याकोब जुमालाई आगामी मे महिनामा हुने राष्ट्रपतीय निर्वाचनमा उम्मेदवार

बेलायतमा पाँचमध्ये एक शिक्षक विद्यार्थीको दुव्र्यवहार सामना गर्न बाध्य

बेलायतका लगभग पाँच मध्ये एक शिक्षकले आफू विद्यार्थीबाट दुर्ब्यवहारको सिकार भएको बताएका छन्

दक्षिण अफ्रिकामा ४६ यात्रु सवार बस दुर्घटना हुँदा ४५ जनाको मृत्यु

दक्षिण अफ्रिकामा बस दुर्घटना हुँदा ४५ जनाको मृत्यु भएको छ । जोहानेसबर्गबाट करिब