मध्यपूर्वमा संयमता अपनाउन संयुक्त राष्ट्रंघको आग्रह
संयुक्त राष्ट्रसंघले मध्यपूर्वमा संयमता अपनाउन आग्रह गरेको छ । इरानका एकजना वैज्ञानिकको हत्या भएपछि संयुक्त राष्ट्रंघले संयमता अपनाउन आग्रह गरेको हो । ती वैज्ञानिकको हत्यापछि त्यहाँ हुनसक्ने हिंसाको मध्यनजर गर्दै राष्ट्रंघले सो कुरा बताएको हो । महासचिव गुटर्रेसका प्रवक्ता फराह हकले विज्ञप्ति जारी गरी संयमता अपनाउन आग्रह गरेका छन् ।
उपप्रवक्ता हकद्वारा जारी गरिएको विज्ञप्तिमा भनिएको छ, हामीलाई लाग्छ सो क्षेत्रमा अब कुनै पनि किसीमको हत्या हिंसाको अवस्था आउन भएन, त्यसका लागि अहिले नै संयमता अपनाउनु जरुरी छ ।’
शुक्रबार इरानका एकजना वरिष्ठ आणविक वैज्ञानिकको हत्या भएको छ । इरानका वरिष्ठ आणविक वैज्ञानिक मोसेन फाहरिजादेहको् हत्या भएको थियो । इरानको रक्षा मन्त्रालयले हत्याको विषयमा पुष्टि गरेको छ ।