विश्वमा एक लाख ५ हजार भन्दाबढी कोरोना संक्रमितको अवस्था गम्भीर
पछिल्लो समय कोरोना भाइरस संक्रमणको दर बढेसँगै विश्वमा सक्रिय संक्रमितको संख्या पनि बढ्दै गएको छ । हाल विश्वभर १ करोड ७४ लाख ७४ हजार ९२२ संक्रमितको विभिन्न अस्पतालमा उपचार भइरहेको वल्डोमिटरमा उल्लेख छ । तीमध्ये १ लाख ५ हजार भन्दाबढीको अवस्था गम्भीर रहेको छ ।
कतिपय देशहरुमा दोस्रो लहरको संक्रमण तीव्र हुँदा कोरोना संक्रमणबाट हुने मृत्युदर पनि पछिल्ला केही दिन यता बढ्दै गएको छ । पछिल्लो २४ घण्टामा १० हजार ९ सय भन्दाबढीको मृत्यु भएको छ । हालसम्म विश्वमा १४ लाख ३७ हजार ८३५ जनाको मृत्यु भएको छ । युरोपमा मात्रै पछिल्लो २४ घण्टामा ५ हजार २७६ जनाको मृत्यु भएको छ ।
यसैगरी, पछिल्लो २४ घण्टामा ५ लाख ४० हजार ८ सय भन्दाबढीमा संक्रमण पुष्टि भएको छ । योसँगै विश्वभर कोरोना संक्रमितको संख्या ६ करोड १३ लाख ८ हजार ११६ पुगेको छ । संक्रमितमध्ये ४ करोड २३ लाख ९५ हजारभन्दा बढी संक्रमणमुक्त भएका छन् ।
यस्तै, अमेरिकामा संक्रमितको संख्या १ करोड ३२ लाख ४८ हजार ६७६ पुगेको छ । कोरोनाका कारण मृत्यु हुनेको संख्या २ लाख ६९ हजार ५५५ पुगेको छ भने अहिलेसम्म ७८ लाख ४६ हजार ८७२ जना संक्रमणमुक्त भएका छन् ।
त्यसैगरी, भारतमा हालसम्म ९३ लाख ९ हजार भन्दा बढी मानिस कोरोनाबाट संक्रमित भएका छन् । संक्रमितमध्ये एक लाख ३५ हजार ७ सय बढीको मृत्यु भइसकेको छ भने हालसम्म ८७ लाख १७ हजार बढी निको भइसकेका छन् ।
ब्राजिलमा कोरोना भाइरसबाट सङ्क्रमित हुनेको संख्या ६२ लाख ४ हजार नाघेको छ भने १ लाख ७१ हजार ४९७ जनाको मृत्यु भएको छ । संक्रमितमध्ये ५५ लाख २८ हजार भन्दा बढी निको भएका छन् ।
