दक्षिण कोरियामा इन्टरनेटमा बालिका र महिलाको यौन भिडियो बेच्ने गिरोहको नाइकेलाई ४० वर्ष जेल सजाय



दक्षिण कोरियामा अनलाइन यौन दुव्र्यवहार गर्ने समूहको नाइके भएको ठहर गर्दै एक युवकलाई ४० वर्ष जेल सजाय सुनाइएको छ । जो जू बिन नामक ती व्यक्तिले महिलाहरूलाई यौन गतिविधिका भिडियो पठाउन बाध्य पार्ने र पछि सःशुल्क च्याटरूममा प्रेषित गर्ने गिरोह चलाएको अभियोग प्रमाणित भएको थियो ।

त्यस्ता च्याटरूम कम्तीमा १० हजार जनाले प्रयोग गरेका र त्यसका लागि प्रत्येक व्यक्तिले १२ सय अमेरिकी डलरसम्म तिरेको पत्ता लागेको छ । उमेर नपुगेका १६ बालिकासहित ७४ महिला त्यस्तो शोषणमा परेका थिए । यही मुद्दामा अरू पाँच जनालाई सातदेखि १५ वर्षको सजाय सुनाइएको छ ।

सोलको एउटा अदालतले आरोपितले धेरै पीडितलाई फकाएर र धम्क्याएर बनाएको सामग्री व्यापक रूपमा वितरण गरेको योन्हाप समाचारसंस्थाले जनाएको छ । जोले बालबालिकालाई यौन शोषणबाट जोगाउने कानुन उल्लङ्घन गरेको तथा नाफा कमाउन आपत्तिजनक भिडियो बनाउने र बेच्ने आपराधिक गिरोह सञ्चालन गरेको ठहर जिल्ला अदालतले गरेको थियो ।

धाकधम्की दिएर हात पारेका भिडियोहरू उनको गिरोहले टेलिग्राम एपका गोप्य च्याटरूममार्फत् बेच्थ्यो । यो मुद्दाले दक्षिण कोरियामा ठूलो आक्रोश उत्पन्न गराएको थियो ।

पचास लाख मानिसले आरोपितको नाम गोप्य नराख्न आग्रह गर्दै हस्ताक्षर गरेपछि गत मार्च महिनामा प्रहरीले २५ वर्षीय जोको नाम सार्वजनिक गरिदिएको थियो । त्यतिबेला उनले प्रायश्चित्तको भावमा आफू दुष्ट भएको स्वीकार्दै आफ्नो दुष्कर्म रोकिदिएकोमा धन्यवाद दिएका थिए ।

प्रहरीका अनुसार १२४ सन्दिग्ध व्यक्तिहरूलाई समातिएको थियो। गत वर्षदेखि भएका विभिन्न यौन अपराधबारे अनुसन्धान गरेपछि टेलिग्राम र सामाजिक सञ्जालका अन्य माध्यममा च्याटरूप सञ्चालन गर्ने जोसहित १८ जनालाई नियन्त्रणमा लिइएको समाचारसंस्था रोएटर्सले जनाएको छ।

 

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
भारतको गुजरातमा सुतिरहेका मजदुरमाथि ट्रक गुड्दा १५ जनाको मृत्यु

भारतको गुजरातमा फुटपाथमा सुतेका आप्रवासी कामदारलाई ट्रकले किच्दा १५ जनाको मृत्यु भएको छ

विश्वमा ६ करोड ८६ लाख भन्दाबढी मानिस कोरोना संक्रमणमुक्त

विश्वमा कोरोना संक्रमितको संख्या ९ करोड ६० लाख नाघेको छ । पछिल्लो २४

धनी देशहरूलाई खोपको लाइन नमिच्न डब्लुएचओको आग्रह

विश्व स्वास्थ्य सङ्गठनका प्रमुखले देशहरूलाई आफ्ना निम्ति कोभिड १९ खोपको जोहो गर्नका लागि

नाभाल्नीलाई रिहा गर्न जर्मनी, अमेरिका र ईयुको माग

रुसले विपक्षी नेता अलेक्सी नाभाल्नीलाई तत्काल रिहा गर्न जर्मनीका विदेश मन्त्री हैको माआजले