साउदी अरबमा शल्यक्रिया गर्न लागेका चिकित्सकको मृत्यु



साउदी अरबस्थित एउटा सरकारी अस्पतालमा बिरामीको शल्यक्रिया गर्न लागेका एक चिकित्सकको मृत्यु भएको छ । साउदी सञ्चारमाध्यमहरूले जनाएअनुसार हाडजोर्नीसम्बन्धी शल्यक्रिया गर्न गएका बेला ती चिकित्सक आफैँ अस्वस्थ भएका थिए । अल वतन दैनिक वेवसाइटले खामिस मुशैट सिभिल हस्पिटलमा डा. महदी अल इमारीलाई हृदयाघात भएको उल्लेख गरेको छ ।

शल्यकक्षमा असहज भएको देखेपछि सहकर्मीहरूले ती चिकित्सकको मुटु जाँच्न लगाएका थिए । इलेक्ट्रोकार्डियोग्राम गरिएपछि उनले बिरामीको शल्यक्रिया गरे कि गरेनन् भन्ने स्पष्ट भएको छैन ।

अस्पतालका अर्थोपेडिक विभागका प्रमुख डा. मजिद अल शहरीलाई उद्धृत गर्दै अल वतनले लेखेको छ, ‘एक बिरामीको शल्यक्रिया गर्न उपस्थित भएका इमरीलाई हामीले थकित भएको र पेटको पीडाले सताएको सङ्केत देख्यौँ।’

इमरीले सुरुमा आफ्नो परीक्षण गर्न अस्वीकार गरेको र बिरामीको शल्यक्रिया गर्ने कुरामा जोड दिएको कुरा विभाग प्रमुख शहरीले बताएका छन् । अन्ततः उनलाई इलेक्ट्रोकार्डियोग्राम गर्न मनाइयो । त्यसमा उनलाई हृदयाघात भएको देखिएको अस्पतालले जनाएको छ ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
विश्वका ६० देशमा पुग्यो नयाँ स्वरुपको कोरोना भाइरस

नयाँ स्वरुपको कोरोना भाइरस विश्वका कम्तीमा पनि ६० देशमा पुगेको छ । विश्व

राजतन्त्रको अपमान गरेको आरोपमा आइल्याण्डमा एक महिलालाई ४३ वर्ष कैद सजाय

थाईल्यान्डमा एकजना महिलालाई राजपरिवारको आलोचना गरेको आरोपमा ४३ वर्षको कैद सजाय सुनाइएको छ

विश्वमा ९ करोड ६६ लाख भन्दाबढी मानिसलाई कोरोना संक्रमण, २० लाख ६५ हजारको मृत्यु

विश्वमा ६ करोड ९२ लाखभन्दा बढी मानिस कोरोना भाइरस संक्रमणमुक्त भएका भएका छन्

‘अश्लील केक’ बनाएको आरोपमा इजिप्टमा एक महिला पक्राउ

इजिप्टमा एकजना महिलालाई ’अश्लील केक’ बनाएको आरोपमा पक्राउ गरिएको स्थानीय सञ्चारमाध्यमहरूले जनाएका छन्