कोरोना संक्रमणबाट भारतमा एकैदिन ७ सय ८३ जनाको मृत्यु
चीनको वुहान शहरमा गत डिसेम्बर अन्तिमबाट फैलिएको कोरोना भाईरसबाट छिमेकी मुलुक भारतमा १६ लाख ३९ हजार भन्दाबढी संक्रमित भएका छन् । लगातार संक्रमितको संख्यामा बृद्धि हुदै आएको भारतमा पछिल्लो २४ घण्टामा ५४ हजार ९ सय बढी संक्रमित थपिएसंगै संक्रमितको संख्या १६ लाख ३९ हजार ३ सय ५० पुगेको वल्डोमिटरमा उल्लेख छ। एकै दिन संक्रमण पुष्टि भएको यो संख्या अहिलेसम्मकै धेरै हो । यो संख्या विश्वकै तेस्रो धेरै तथा एसियामा सबैभन्दा बढी हो ।
संक्रमितमध्ये अहिलेसम्म १० लाख ५९ हजार बढी संक्रमणमुक्त भएका छन् भने ५ लाख ४४ हजार ४ सयबढीको उपचार भइरहेको छ । कोरोना संक्रमणकै कारण पछिल्लो २४ घण्टामा ७ सय ८३ जनाको मृत्यु भएसंगै मृत्यु हुनेको संख्या ३५ हजार ७ सय ८६ पुगेको छ ।
यस्तै, स्वास्थ्यमा समस्या देखिएपछि भारतीय कांग्रेसकी नेतृ सोनिया गान्धी अस्पताल भर्ना भएकी छन् ।
उनलाई बिहीबार साँझ ७ बजे अस्पताल भर्ना गरिएको हो । पेटमा समस्या भएपछि ७३ वर्षीया गान्धीलाई दिल्लीको सर गंगाराम अस्पतालमा भर्ना गरिएको भारतीय सञ्चार माध्यमहरूले जनाएका छन् । फेब्रुअरी २ मा पनि उनलाई पेटमा समस्या देखिएपछि अस्पताल भर्ना भरिएको थियो ।
