आगामी महिना शरणका लागि कुनै आवेदन नलिने ग्रीसको घोषणा



टर्कीले आप्रवासीहरूलाई युरोपतर्फ जाने “ढोका” खोलिदिएपछि ग्रीसले आगामी महिना शरणका लागि कुनै आवेदन नलिने घोषणा गरेको छ।

यसअघि ग्रीसका अधिकारीहरूले करिब १०,००० आप्रवासीलाई टर्कीसँग जोडिएको स्थलसीमामा रोकिएको बताएका थिए।

ग्रीसका प्रधानमन्त्री किरियाकोस् मित्सोटाकिसले आफ्नो सीमामा “अधिकतम अवरोध” गरिएको बताए। टर्कीले सिरिया युद्धका कारण ठूलो सङ्ख्यामा भागिरहेका मानिसको भार आफूले थेग्न नसक्ने बताएको छ।

टर्कीका राष्ट्रपति रेजेप तय्यिप एर्दोआनले गत शुक्रवारदेखि आप्रवासीहरूलाई छिमेकी ईयू सदस्यराष्ट्र ग्रीस र बल्गेरियातिर जाने प्रयास गर्न अनुमति दिने बताएका थिए।

गत साता उत्तरी सिरियाको इड्लिब प्रान्तमा एउटा हवाई आक्रमणमा ३३ जना टर्किश सैनिक मारिएपछि उनले उक्त घोषणा गरेका थिए।

टर्कीमा झन्डै ३७ लाख सिरियाली शरणार्थी छन्। अफगानिस्तानसहित अन्य देशका आप्रवासीहरू पनि त्यहाँ पुगेका छन्। युरोपेली सङ्घसँग सन् २०१६ मा भएको सहायतासम्बन्धी एउटा सम्झौताका कारण उसले पहिला ती शरणार्थी र आप्रवासीहरूलाई युरोप जान रोक्ने गरेको थियो।

तर एर्दोआनले ईयूले आफ्नो वाचा पालना नगरेको आरोप लगाएका छन्। ईयूको सीमासुरक्षा हेर्ने निकायले टर्कीसँग जोडिएको युरोपेली सीमामा उच्च सतर्कता अपनाइएको जनाएको छ।

ग्रीसका प्रधानमन्त्री मित्सोटाकिसले आइतवार साँझ ट्वीट गर्दै शरणको आवेदन हाललाई निलम्बन गरिएको घोषणा गरेका छन्। “पूर्ण युरोपेली समर्थन सुनिश्चित गर्न” उनले एउटा युरोपेली सन्धिको आपत्कालीन खण्ड लागु गरिएको बताएका छन्।

ग्रीस सरकारका अनुसार २४ घण्टामा झन्डै १०,००० आप्रवासीहरूलाई ग्रीस प्रवेश गर्नबाट रोकिएको छ। ग्रीस र टर्कीको स्थलसीमामा आप्रवासी र सुरक्षाकर्मीबीच झडप पनि भएको छ। ग्रीसका सुरक्षाकर्मीले आप्रवासीहरूलाई रोक्न अश्रुग्यास प्रहार गरेका छन् भने आप्रवासीहरूले पनि ढुङ्गा हानेका छन्।

ग्रीसका अधिकारीहरूले समुद्री मार्ग हुँदै ग्रीसका टापुहरूमा पनि आप्रवासीहरू प्रवेश गरेको जनाएका छन्। ईयूले आफ्ना मापदण्डको रक्षा गर्न ग्रीस र बल्गेरियाको सहायता गरिरहेको जनाएको छ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
अमेरिकासँगको सम्झौतापछि विकिलीक्सका संस्थापक जुलिअन असान्ज जेलमुक्त

बीबीसी । विकिलीक्सले लामो कानुनी उतारतढावपछि आफ्ना संस्थापक जुलिअन असान्ज अमेरिकी अधिकारीहरूसँग भएको

अफगानिस्तानमा इदको बिदामा भएका सवारी दुर्घटनामा ४८ जनाको मृत्यु

अफगानिस्तानमा शुक्रबार सकिएको पाँचदिने इद अल–अधाको बिदामा सवारी दुर्घटनामा परी कम्तीमा ४८ जनाको

चीनद्वारा एक महिना लामो ठगी विरुद्ध सचेतना अभियान सुरु

चीनले सोमबार सार्वजनिक चेतना जगाउने र दूरसञ्चार तथा साइबर ठगी विरुद्ध लड्ने उद्देश्यले

लेखक र टिकटक स्टार बनेका बङ्गलादेशका कुख्यात जल्लादको मृत्यु

बङ्गलादेशका सबैभन्दा खतरनाक जल्लादको कारागारबाट रिहा भएको एक वर्षपछि सोमबार मृत्यु भएको छ