इरानविरुद्ध युद्ध गर्ने ट्रम्पको योजनामा सिनेटको नियन्त्रण



अमेरिकी राष्ट्रपति डोनल्ड ट्रम्पको संसदको अनुमोदन विना नै इरानमाथि हमला गर्ने क्षमता सिनेटले सीमित पारिदिएको छ।

इरानमाथि युद्ध गर्ने ट्रम्पको आशयबारे जाँच गर्ने उक्त प्रस्ताव ५५-४५ को मतले अनुमोदन भएको थियो। त्यसअघि ट्रम्पले अमेरिका इरानबाट कम सुरक्षित हुने चेतावनी दिएका थिए।

ट्रम्पले इरानको सेनाका जेनेरलको हत्या गर्न निर्देशन दिएपछि उक्त विधेयकको एउटा संस्करणलाई तल्लो सदन प्रतिनिधिसभाले जनवरीमा पारित गरेको थियो।

अहिले रिपब्लिकनहरूकै बहुमत रहेको सिनेटले त्यसको अनुमोदन गरेको हो। ह्वाइट हाउसमा उक्त विधेयक पुगेपछि ट्रम्पले त्यसमाथि भिटो अर्थात विशेषअधिकार प्रयोग गर्ने ठानिएको छ।

बिहीवार राति आठ जना रिपब्लिकनहरूले इरानविरुद्ध सैन्य कारबाही चलाउनु पूर्व राष्ट्रपति ट्रम्पले कंग्रेससँग परामर्श लिनुपर्ने पक्षमा मत दिएका थिए।

मतदानको अघिल्लो दिन ट्रम्पले ट्वीट गर्दै लेखेका थिए: “हाम्रो देशको सुरक्षाका लागि अमेरिकी सिनेटले इरान वार पावर्स रिजोलुसनमा मत नहाल्नु निकै महत्त्वपूर्ण छ।”

“हामीले इरानसँग निकै राम्रो गरिरहेका छौं र उसका सामु कमजोरी देखाउने समय यो होइन… यदि मेरो हात बाँधिएको थियो भने, इरानले फाइदा उठाउने थियो। यसले निकै नराम्रो सङ्केत दिएको छ। डमोक्र्याट्सहरूले रिपब्लिकन पार्टीलाई गिराउनका लागि मात्रै यो प्रयास गरेका हुन्।”

उक्त रिजोलुसन अनुसार अमेरिकी संसदले युद्ध घोषणा गरेको वा कुनै विशेष फौज परिचालनको अनुमति दिएको खण्डमा बाहेक इरानसँग टकरावमा रहेका अमेरिकी फौजलाई ट्रम्पले हटाउनु पर्नेछ। तर उक्त कानुनले अमेरिकामाथि हुने कुनै ‘अवश्यम्भावी हमला’बाट रक्षा गर्न भने रोकेको छैन।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
इजरायली प्रधानमन्त्रीद्वारा वार क्याबिनेट भङ्ग

  इजराइली प्रधानमन्त्री बेन्यामिन नेतान्याहुले गाजामा युद्धको नेतृत्व गर्ने जिम्मेबारी दिइएको प्रभावशाली युद्ध

बसमा आगलागी हुँदा जिम्बावेमा सात जनाको मृत्यु

चर्च उत्सवका यात्रुहरू बोकेको बसमा आगलागी हुँदा म्यानिकलल्याण्ड प्रान्तको रुसापे शहरमा आइतबार राति

श्रीलङ्काको अर्थतन्त्रमा सुधारको सङ्केत

श्रीलङ्काले सोमबार पहिलो त्रैमासिकमा कमजोर विदेशी मुद्रा सङ्कटबाट सुधार जारी राख्दै अर्थतन्त्र अपेक्षाभन्दा

गैरकानुनी रूपमा हिरासतमा राखिएका कैदी बालबालिका र नागरिक फिर्ता गर्न जेलेन्स्कीको माग

स्विट्जरल्यान्डमा शान्ति शिखर सम्मेलनको समापनपछि युक्रेनी राष्ट्रपति भोलोदिमिर जेलेन्स्कीले गैरकानुनी रूपमा विस्थापित तथा