क्यासिनो संचालकसँग घुस लिएको आशङ्कामा जापानी सांसद पक्राउ



जापानमा सत्तारूढ दलका एक सांसदलाई एक जुवाखाल सञ्चालकबाट ३४ हजार डलर घूस लिएको शङ्कामा पक्राउ गरिएको छ।

अक्टोबरसम्म प्रधानमन्त्री शिन्जो आबेको मन्त्रिपरिषद्का एक सदस्यको रूपमा सुकासा आकिमोतोले क्यासिनो सञ्चालनसम्बन्धी सरकारी योजनाको जिम्मा सम्हालेका थिए।

ती ४८ वर्षीय सांसदले आफूले कुनै गल्ती नगरेको र कसैलाई फाइदा पुर्‍याउनेगरी काम नगरेको बताए।

संवाददाताहरूका अनुसार उनी पक्राउ परेपछि प्रधानमन्त्री आवेको विवादास्पद क्यासिनो नीतिमा झन् जटिलता थपिदिनेछ।

आकिमोतोले क्यासिनो खोल्न खोजिरहेको एक नाम नखुलाइएका सञ्चालकका तीन कर्मचारीबाट पैसा लिएको आरोप अभियोजनकर्ताहरूले लगाएका छन्। ती तीन कर्मचारीलाई पनि बुधवार पक्राउ गरिएको छ।

आकिमोतो पक्राउ परेको केही घण्टामै उनी सम्बद्ध रहेको लिबरल डेमोक्र्याटिक दलका अर्का सांसद ताकाकी सिरासुकाको कार्यालयमा पनि सोही विवादका सन्दर्भमा अधिकारीहरूले खानतलासी गरेको जापानी सञ्चारमाध्यमले जनाएका छन्।

जापानको सुस्ताएको अर्थतन्त्रलाई क्यासिनो खुलाउँदा सघाउ पुग्ने सरकारको भनाइ छ। सन् २०१६ मा वर्षौँको बहसपश्चात् जापानको संसद्ले होटल तथा सभासम्मेलन आयोजनस्थलहरूभित्र क्यासिनो सञ्चालन गर्न दिने पक्षमा मत दिएको थियो।

जापानी समाजमा जुवालाई राम्रो मानिँदैन। मतसर्वेक्षणहरूमा अधिकांश मानिस क्यासिनो खोल्ने कुराको विरोधमा रहेको पाइएका छन्।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
बाइडेनद्वारा बन्दुक नियन्त्रण विधेयकमा हस्ताक्षर

राष्ट्रपति जो बाइडेनले शनिबार बन्दुक नियन्त्रण कानुनमा हस्ताक्षर गरेका छन् । दशकौंको बहसपछि

मृत्युदण्डको माग गरिएका कुरेरिसलाई किन छाडियो जेलबाट ?

सरकारविरोधी प्रदर्शनमा सहभागी भएको आशङ्कामा १३ वर्षको उमेरमै पक्राउ परेका एक कैदीलाई साउदी

सर्वोच्चको आदेशपछि अमेरिकामा धमाधम बन्द हुँदै गर्भपतन गराउने क्लिनिक

अमेरिकाको सर्वोच्च अदालतले महिलाले गर्भपतन गर्न पाउने सम्बन्धी संवैधानिक अधिकार समाप्त हुने फैसला

ओस्लो नाइटक्लबमा अन्धाधुन्ध गोली चल्दा दुईजनाको मृत्यु

नर्वेको एक नाइटक्लबमा अन्धाधुन्ध गोली चल्दा दुई जनाको मृत्यु भएको छ भने कैयौँ