ट्रम्पको महाभियोगसम्बन्धी प्रस्ताव तल्लो सदनमा अघि बढाइँदै



अमेरिकी संसद्‍को तल्लो सदनमा राष्ट्रपति डोनल्ड ट्रम्पविरुद्ध महाभियोग अघि बढाउने प्रस्तावबारे छलफल चलिरहेको छ।

त्यसपछि मतदान हुनेछ। तल्लो सदनबाट त्यो प्रस्ताव पारित भएमा ट्रम्प अमेरिकी इतिहासमा महाभियोगको सामना गर्ने तेस्रो राष्ट्रपति बन्नेछन्।

ट्रम्पमाथि शक्तिको दुरुपयोग गरेको र युक्रेनी समकक्षीसँग उनले गरेको कुराकानीबारे संसद्‍ले गरेको अनुसन्धानमा व्यवधान खडा गरेको आरोप छ।

डेमोक्र्याटहरूले अघि बढाएको उक्त प्रस्तावलाई रोक्ने रिपब्लिकनहरूको प्रस्ताव तल्लो सदनले अस्वीकार गरेको थियो।

अहिले सांसदहरूले उक्त प्रस्तावबारे आआफ्ना धारणा राखिरहेका छन्। तल्लो सदनमा प्रस्ताव पारित गर्न आवश्यक सङ्ख्या विपक्षीसँग छ।

अमेरिकामा महाभियोगको पक्षमा प्रदर्शनहरू भएका छन्। तल्लो सदनबाट प्रस्ताव पारित भएपछि त्यो माथिल्लो सदन सिनेटमा जानेछ, त्यहाँ आगामी ज्यानुअरी महिनामा सुनुवाइ हुनेछ।

तर त्यहाँबाट प्रस्ताव पारित हुन दुई तिहाइ बहुमतको खाँचो पर्छ, जुन विपक्षीहरूसँग छैन। त्यसैले ट्रम्पविरुद्धको महाभियोग प्रमाणित नहुने ठानिन्छ।

विगतमा दुईजना राष्ट्रपतिविरुद्ध महाभियोग लगाइएको थियो। तर कोही पनि महाभियोगबाट हटाइएका छैनन्। राष्ट्रपतिलाई तल्लो सदनको न्यायिक समितिका अध्यक्षले महाभियोग प्रक्रियामा आफ्ना प्रमाणहरू पेश गर्न सार्वजनिक रूपमा बोलाएका थिए।

उनी उक्त प्रक्रियामा सहभागी भएका भए आफ्ना कानूनी समूहले साक्षीसँग प्रश्न गर्न पाउने अनुमति पनि पाउँथे तर ट्रम्पले त्यसलाई अस्वीकार गरेका थिए।

राष्ट्रपति बराक ओबामा भएका बेला उपराष्ट्रपति रहेका जो बाइडन र उनका छोराविरुद्ध भ्रष्ट्राचारसम्बन्धी छानबिन गर्न दबाव दिएको आरोप ट्रम्पमाथि छ।

बाइडन युक्रेनबारे अमेरिकी नीति हेर्ने मुख्य भूमिकामा पनि रहेका बेला छोरा हन्टर बाइडन युक्रेनको एउटा प्राकृतिक ग्यास कम्पनीका निर्देशक थिए।

अहिले जो बाइडन सन् २०२० मा हुने राष्ट्रपतीय निर्वाचनमा ट्रम्पलाई चुनौती दिने डेमक्र्याटिक उम्मेदवारका प्रबल दाबेदार हुन्।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
ट्वीटरमा एलन मस्कका सबैभन्दा धेरै फलोअर्स

अमेरिकी पूर्वराष्ट्रपति बाराक ओबामालाई उछिन्दै एलन मस्क ट्विटरमा सबैभन्दा धेरै अनुयायी (फलोअर्स) भएको

रूसी विदेशमन्त्रीले सुरक्षा परिषद्को बैठकको अध्यक्षता गर्ने

रूसले आफ्ना विदेशमन्त्रीले अप्रिलमा संयुक्त राष्ट्रसङ्घ सुरक्षा परिषद्को बैठकको अध्यक्षता गर्ने जनाएको छ

इन्डोनेशियाको पवित्र पर्वतमा रुसी पर्यटकले नांगै तस्बिर खिचेपछि…

बालीस्थित एउटा धार्मिक स्थलमा निर्वस्त्र भएको अभियोगमा इन्डोनेशियाले एक रुसी नागरिकलाई कारबाही गर्दै

रामनवमी मनाउन मन्दिर गएका २५ जना भक्त इनारमा खसे

रामनवमी पर्व मनाउन भारतको पटेलनगरस्थित शिव मन्दिरमा भेला भएका भक्तजनमध्ये २५ जना मन्दिरको