नामिबियालाई १६९ रनको लक्ष्य
काठमाडौं । आइसीसी एक दिवसीय विश्वकप लिग टू क्रिकेटको एक दिवसीय क्रिकेटमा नेपालले नामिबियालाई १६९ रनको लक्ष्य दिएको छ । नेपालले ३७.१ ओभरमा सवै विकेट गुमाएर १६८ रनमात्रै बनाउन सक्यो ।
त्रिवि क्रिकेट मैदान कीर्तिपुरमा पाहुना टोली नामिबियाले टस जितेर पहिला फिल्डिङ रोजेको थियो । टस हारेर पहिला ब्याटिङ गरेको नेपाललाई नियमित ओपनर कुशल भुर्तेल र आशिफ शेखले राम्रो सुरुवात दिलाएका थिए ।
नामिवियाविरुद्ध एक खेलाडी परिवर्तन गरेको नेपालको प्रदर्शन भने सन्तोषजनक रहेन । नेपालका लागि आशिफ शेखले सर्वाधिक ५८ रन बनाए। उनले आउट हुनुअघि ६४ बल खेल्दै ८ चौका र १ छक्का प्रहार गरे ।
यस्तै कुशल मल्लले ३६ रन बनाए। भीम सार्कीले २६ रन बनाउँदा कुशल भुर्तेल १८ रन बनाएर आउट भए। अनिल साह पनि आज शून्यमा आउट भए । कप्तान रोहित ९ बल खेलेर शून्यमा आउट भए। उनलाई नामिबियाका लोप्टिइटनले क्याच आउट गराए। यसघि अनिल शाह र देव खनाल पनि खाता नखोली आउट भएका थिए।
नेपालले तेस्रो विकेटका रूपमा देव खनाललाई गुमाएको थियो । नामिबियाका ब्रेनार्ड स्कोल्ट्ज र जान निकोल इटोनले चार चार विकेट हात पारे । यस्तै, ज्याक ब्रासेल, गेरार्ड इरास्मसले एक एक विकेट लिएका छन् ।