वर्षाका कारण खेल हुन नसक्दा नेपाल इमर्जिङ कपबाट बाहिरियो
काठमाडौं । एसीसी वुमन्स इमर्जिङ टिम्स एसिया कपबाट नेपाल बाहिरिएको छ । लगातार दुई खेल वर्षाका कारण प्रभावित हुँदा नेपाल प्रतियोगिताबाट बाहिरिएको हो । पहिलो खेलमा पाकिस्तानसँग पराजित भएको नेपाल दोस्रो खेलमा भारतसँग बर्षाका कारण अंक बाँडेको थियो ।
तेस्रो तथा अन्तिम समूह चरणको आजको खेल पनि वर्षाले प्रभावित हुँदा एक खेलमात्रै खेलेर नेपाली टोली बाहिरिन पुग्यो । आज विहान पौने सात बजे हङकङविरुद्ध खेल्नु पर्ने तय थियो । तर वर्षाका कारण खेल हुन नसक्दा दुवै टिमले अंक बाँड्न पुगे । योसँगै भारत र पाकिस्तान सेमिफाइनलमा पुग्दा नेपाल र हङकङ भने बाहिरिएका छन् ।