तिलोत्तमा गोल्डकपमा थ्री स्टार सेमिफाइनलमा
बुटवल । तिलोत्तमा गोल्डकपमा थ्री स्टार क्लबले हिमालयन शेर्पा क्लबलाई पराजित गरेको छ ।
रुपन्देही जिल्ला फुटबल संघको आयोजनामा भएको प्रतियोगिताको आइतबारको खेलमा थ्री स्टारले हिमालयन शेर्पा क्लबलाई एक शून्य गोलले पराजित गरेको हो । यो जितसँगै थ्री स्टार समेमिफाइनलमा प्रवेश गरेको छ ।
सेपमफाइनलमा थ्रीस्टार र सुदूरपश्चिमका बीचमा भिडन्त हुने छ । दोस्रो हाफको ३८ औं मिनेटमा थ्री स्टारका खेलाडी दीपेश गुरुङले गरेको गोल नै निणर्यक बनेको थियो। खेलमा थ्रीस्टारका २४ नम्बर जसीका खेलाडी पिटरले पहेँलो कार्ड पाएका थिए ।
एन्फा टेक्निकल सेन्टर देवीनगरमा चलिरहेको गोल्डकपमा दुई विभागीयसहित ८ टिम सहभागी छन् । प्रतियोगिताको विजेताले ११ लाख ११ हजार एक सय ११ रुपैयाँ पुरस्कार पाउने संघले जनाएको छ। गोल्डकपको उपविजेताले ५ लाख ५५ हजार ५ सय ५५ रुपैयाँ पुरस्कार प्राप्त गर्ने छ ।
सर्वोत्कृष्ट खेलाडीले एक लाख रुपैयाँ वा एक थान मोटरसाइकल पुरस्कार पाउँदा उत्कृष्ट फरवार्ड, गोलरक्षक, मिड फिल्डर, डिफेन्स र कोचले जनही ३० हजारका दरले नगद पुरस्कार प्राप्त गर्ने जनाइएको छ ।
यस्तै, प्रत्येक खेलमा म्यान अफ द म्याचलाई पनि ११ हजार १ सय ११ रुपैयाँ पुरस्कार प्रदान गरिने आयोजकले जानकारी दिएको छ । सोमबारको खेल विभागीय टोली सशस्त्र प्रहरीको एपीएफ र फ्रेण्ड्स क्लब बीच हुनेछ ।
