ए डिभिजन लिगमा मनाङ र बिग्रेड ब्वाइज विजयी



काठमाडौं । सहिद स्मारक ‘ए’ डिभिजन लिगअन्तर्गत आइतबार भएका खेलमा मनाङ मस्र्याङ्दी क्लब र ब्रिगेड ब्वाइज क्लब आ–आफ्नो खेलमा विजयी भएका छन् ।

त्रिपुरेश्वरस्थित दशरथ रङ्गशालामा भएको खेलमा जावलाखेल युथ क्लबलाई १–० गोलअन्तरले पराजित गर्दै मनाङले लिगमा सुखद सुरुवात गरेको हो । मनाङका लागि दिनेश राजवंशीले खेलको ५६औँ मिनेटमा निर्णायक गोल गरे । उनी सो खेलमा म्यान अफ दी म्याच भए । जितसँगै मनाङले तीन अङ्क जोडेको छ ।

यस्तै दशरथ रङ्गशालामा आज भएको अर्को खेलमा ब्रिगेड ब्वाइज क्लबले विभागीय टोली सशस्त्र प्रहरीको एपीएफ क्लबलाई ३–२ गोल अन्तरले पराजित गर्दै लिगमा पहिलो जित दर्ता गराएको छ । ब्रिगेडका लागि दिनेश राईले दुई तथा सुरज गुरुङले एउटा गोल गरे । एपीएफका लागि भने आशिष लामा र बिकी तामाङले एक एक गोल गरे ।

प्रतिस्पर्धात्मक बनेको उक्त खेलमा ब्रिगेडले सुरुवाती अग्रता लिएको थियो । खेलको ११औँ मिनेटमा राईले करिब ३५ यार्डबाट प्रहार गरेको बलले जाली चुम्यो । खेलको १७औँ मिनेटमा एपीएफले बराबरी गोल फर्कायो ।

आवास लामिछानेको क्रसमा आशिष लामाले उक्त गोल गर्दै खेललाई एक/एक गोलको बराबरीमा पुर्याए । यस्तै खेलको ६५औँ मिनेटमा राजवंशीले व्यक्तिगत दोस्रो गोल गर्दै ब्रिगेडलाई २–१ को अग्रता दिलाए।

खेलको ७७औँ मिनेटमा रवि थिङको पासमा बिकी तामाङले गोल गर्दै एपीएफलाई २–२ गोलको बराबरीमा पुर्याए । खेलको अत्तिरिक्त समयमा सुरज गुरुङले गोल गर्दै ब्रिगेडलाई ३–२ को जित दिलाए । सो खेलको म्यान अफ दी म्याच ब्रिगेडका रोशन राना मगर घोषित भए । जितसँगै ब्रिगेडले ३ अङ्क जोडेको छ । लिगअन्तर्गत सोमबार दुई खेल हुनेछन् ।

पहिलो खेलमा दुई विभागीय टोली त्रिभुवन आर्मी क्लब र नेपाल पुलिस क्लबबीच प्रतिस्पर्धा हुनेछ भने दोस्रो खेलमा साविक विजेता मछिन्द्र फुटबल क्लब र न्युरोड टिम (एनआरटी) बीच खेल हुने अखिल नेपाल फुटबल सङ्घ (एन्फा)ले जनाएको छ ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
लुम्बिनी विकास बैंकद्वारा सहारा एकेडेमीलाई सहयोग

गण्डकी । लुम्बिनी विकास बैंकले सहारा फुटबल एकेडेमीलाई आर्थिक सहयोग गरेको छ ।

बागमतीलाई पराजित गर्दै पुलिस फाइनलमा

काठमाडौं । नेपाल पुलिस क्लब प्रधानमन्त्री कप टि–२० राष्ट्रिय क्रिकेट प्रतियोगिताको फाइनलमा प्रवेश

कोभिड सङ्क्रमणबाट खेलकुद क्षेत्रसमेत प्रभावित

काठमाडौं । कोभिड–१९ सङ्क्रमण जोखिमकाकारण मुलुकका अरु विधाजस्तै खेलकुद क्षेत्रको विकास र विस्तार

बायर्न म्युनिखका खेलाडी रोबर्ट लेवान्डोस्कीलाई बेस्ट फिफा अवार्ड

काठमाडौं । बायर्न म्युनिखका स्ट्राइकर रोबर्ट लेवान्डोस्कीले फिफा बेस्ट अवार्ड २०२१ को उपाधि