पिएसजीबाट मेसीको डेब्यु
लियोनल मेसीले डेब्यु गरेको खेलमा पेरिस सेन्ट जर्मेन पिएसजीले फ्रेन्च लिग वानमा रासलाई दुई शून्य गोलले पराजित गरेको छ । मेसी दोस्रो हाफमा सब्सिच्युट खेलाडीका रुपमा मैदान प्रवेश गरेका थिए । पिएसजीको जितमा दुवै गोल किलियन एम्बाप्पेले गरेका थिए ।
तर उनको प्रदर्शन मेसीको छायाँमा पर्यो । मेसीले ६६ औं मिनेटमा नेइमारलाई प्रतिस्थापन गरेका थिए । नयाँ जर्सी नम्बर ३० लगाएर मेसी मैदान प्रवेश गर्दा उनलाई स्ट्यान्डिङ ओभियसन प्रदान गरिएको थियो । करियरमा पहिलो पटक मेसी बार्सीलोनाको जर्सी भन्दा फरक क्लबको जर्सीमा देखिएका हुन् ।
खेलमा मेसीले निकै फउलको सामना गर्नु परेको थियो । घरेलु मैदानमा पिएसजीले १६ औं मिनेटमा अग्रता लिएको थियो । एमबाप्पेले एंजल डि मारियाको क्रसमा गोल गरेका थिए । ६३ औं मिनेटमा असरफ हाकिमीको क्रसमा एमबाप्पेले गोल गरेपछि माउरिसियो पोचेटिनोको टोलीले जारी लिगमा लगातार चौथो जित हात पार्यो ।
खेलपछि प्रशिक्षक पोचेटिनोले एमबाप्पे क्लबका महत्वपुर्ण खेलाडी भएको प्रतिक्रिया दिएका थिए । तर मेसीको आगमन संगै एमबाप्पेले क्लब छाड्ने बताीइएको छ । उनका लागि स्पेनिस क्लब रियाल मड्रिडले १ सयि ७० मिलियन युरोको प्रस्ताव गरेको बताइएको छ ।
