६९ पदकका साथ टोकियो ओलम्पिकमा चीन शीर्ष स्थानमा
जापानमा जारी टोकियो ओलम्पिक-२०२० को पदक तालिकाको शिर्षस्थानमा चीन यथावत रहेको छ । हालसम्म चीन कुल ६९ पदकको साथ शीर्ष स्थानमा रहेको छ ।
चीनले ३२ स्वर्ण, २१ रजत र १६ कास्यसहित ६९ पदक जितेको छ । यस्तै अमेरिका २४ स्वर्ण, २८ रजत र २१ कास्यसहित ७३ पदक जित्दै दोस्रो स्थानमा रहेको छ । यस्तै घरेलु टोली जापान तेस्रो र अष्ट्रेलिया चौथो स्थानमा रहेका छन् । जापानले १९ स्वर्ण, ६ रजत र ११ कास्यपदक जितेको छ भने अष्ट्रेलियाले १४ स्वर्ण, ४ रजत र १६ कास्यसहित समान ३४ पदक जितेको छ ।
यस्तै रसियन कोलम्पिक कमिटी १३ स्वर्णसहित ५२ पदक जित्दै पाँचौ स्थानमा रहँदा बेलायत, जर्मनी, फ्रान्स, नेदरल्यान्ड्स र दक्षिण कोरिया क्रमश: छैटौं, सातौं, आठौं, नवौं र दसौं स्थानमा रहेका छन् । हालसम्म ८४ राष्ट्रले टोकियो ओलम्पिकमा पदकको खाता खोलेका छन् ।