म्यानचेस्टर सिटीको सानदार जित
इंग्लिस प्रिमियर लिगमा शीर्ष होडमा रहेको म्यानचेस्टर युनाइटेड र लिभरपुलले गोलरहित बराबरी खेल्दा म्यानचेस्टर सिटीले सानदार जित निकालेको छ ।
गएराति लिभरपुलको मैदानमा भएको खेलमा लिभरपुल र युनाइटेडले गोलरहित बराबरी खेल्दै अंक बाँडेका हुन् । कठिन खेलबाट १–१ अंक बाँडेपछि म्यान्चेस्टर युनाईटेडले तालिकाको शीर्ष स्थानमा आफ्नो पकड बनाइराख्यो । लिभरपुल भने यो बराबरीपछि चौथो स्थानमा झरेको छ ।
१८ खेलबाट म्यान्चेस्टर युनाईटेडको ३७ अंक भएको छ भने लिभरपुलको ३४ अंक छ । १७ खेलबाट ३५ अंक जोडेको म्यानचेस्टर सिटी दोस्रो स्थानमा उक्लिंदा समान ३५ अंक जोडेको लेष्टर सिटी गोल अन्त्रको आधारमा तेस्रो स्थानमा झरेको छ ।
यस्तै प्रिमियर लिगकै अर्को खेलमा म्यानचेस्टर सिटीले क्रिस्टल प्यालेसमाथि ४–० को सानदार जित निकाल्दै दोस्रो स्थानमा उक्लिएको छ । खेलमा म्यान सिटीका लागि जोन स्टोन्सले दुई गोल गर्दा इके गुन्डोगान र राहिम स्टर्लीङले एक एक गोल गरे ।
यो नतिजासँगै सिटीको १७ खेलबाट ३५ अंक पुगेको छ । समान ३५ अंक भएपनि लेस्टर गोलअन्तरमा पछि छ । पराजित क्रिस्टल प्यालेस २३ अंक जोडेर १३औं स्थानमा छ ।