एटलान्टा र स्पाल कोपा ईटालियाको क्वार्टरफाईनलमा प्रवेश

एटलान्टा र स्पाल कोपा ईटालिया फुटबलको अन्तिम आठमा प्रबेश गरेका छन् ।

प्रिक्वार्टरफाईनलमा काग्लीयारीलाई ३–१ गोल अन्तरले हराउदै एटलान्टाले अघिललो चरणमा स्थान बनाएको हो । पहिलो हाफमा १–० को अग्रता बनाएको एटलान्टाले दोस्रो हाफमा १ गोल खाँदै २ गोल थपेको थियो । उसले क्वार्टरफाईनलमा लाजियो र पार्माबिचको विजेतासंग प्रतिस्पर्धा गर्नेछ ।

सासुउलोलाई २–० ले हराउदै स्पालले पनि क्वार्टरफाईनलमा स्थान सुरक्षित गरेको छ । पहिलो हाफ गोलरहित बराबरीमा सकिएको खेलमा स्पालले दुबै गोल दोस्रो हाफमा गरेको थियो । उसले क्वार्टरफाईनलमा युभेन्टसलाई प्रतिद्धन्दीका रुपमा पाएको छ ।