साफ फुटबल च्याम्पियनसिप सेप्टेम्बर १४ देखि २५ सम्म बंगलादेशमा हुने
साफ फुटबल च्याम्पियनसिप २०२१ को सेप्टेम्बर १४ देखि २५ सम्म बंगलादेशमा हुने भएको छ । दक्षिण एशियाली फुटबल महासंघको कार्यसमितिको बैठकले सन् २०२१ मा हुने साफ स्तरीय प्रतियोगिताको मिति तय गरेको हो ।
सोमबार भर्चुअल माध्यमबाट भएको बैठकले साफ कंग्रेश, इलेक्ट्रोल कोड र प्रतियोगिताका बारेमा छलफल गरेको छ । यसका साथै बजेट र अडिट रिपोर्टलाई पारित गरेको छ । बैठकले अर्को बर्ष हुने एएफसी छनोटका साथै युथ प्रतियोगिताका मिति तय गरेको छ । यस्तै यू १६ साफ महिला च्याम्पियनसिप अगष्टको १८ देखि २७ मा हुने भएको छ ।
साफ यू १९ महिला च्याम्पियनसिप जुलाईको १३ देखि २२ सम्म हुनेछ भने यू १५ साफ अक्टोबर एक देखि १० सम्म हुनेछ । यस्तै साफ यू १८ च्याम्पियनसिप अक्टोबर १५ देखि २४ सम्म हुनेछ । साफ च्याम्पियनसिप बाहेक अरु प्रतियोगिताको मिति भने यकिन भएको छैन ।
